Cafarnao

Cafarnao
	;
Sorte	Sità antiga, sito archeołòzego e destinazione turistica (it)
Liogo
Rejon aministrativa	distretto Nord (Israełe) (it)
Bagnà da	Lago de Tiberiade
Dati e sifre
Àrea	1 728 Dunami
Categoria II UICN: Parco Nasionałe
World Database on Protected Areas
Identifigadore	[https://protectedplanet.net/317014 317014 ]
Istoria
Perìodo	Perìodo del Secondo Ténpio
Atività
Creasion	seculo II v.C.
	; ; ; ; ; ; ;

Cafarnao^[1] (in ebraego כפר נחום - Kefar Nahum che vol dir literalmente: viłajo de Nahum) ła ze na antiga sità de ła Gałiłea pozisionà inte łe rive nord-osidentałi del Lago de Tiberiade, in Israel. Par i Vanzełi Jezù el ga abità dopo de gaver lasà Nazareth (Matio 4,12-17): chive el ga scomisià ła so predicasion e i numarozi miracołi.

Storia canbia

Inte i secołi dopo Cafarnao ła ze stà abandonà, fin che ga conprà l'area da parte dei fransescani minori de ła Custodia de Terasanta: i so resti i ze stà catà e portà a ła łuce da scavi archeołozeghi intel XX secoło. Intrà łe altre robe ze stà catà na sinagoga costruia co łe cołone in marmaro intel II secoło, e na abitasion identifegà come ła caza de San Piero. Sora ła caza ze stà edifegà na ceza a forma otagonałe.

Novo Testamento canbia

James Tissot
Guarijon dei lebrozi a Cafarnao (Guérison des lépreux à Capernaum)
Brooklyn Museum

El viłajo el ze mesonà intel Vanzeło de Luca e Vanzeło de Joani indove se conta che se catava visin al posto de nasita de San Piero, Andrea, Jacomo e Joani fiołi de Zebedeo come anca del publecan Matio. On sabo, biblego Jesù el gavea insenjà in sinagoga de Cafarno e guario on omo posedesto da on spirito inpuro (Luca 4,31-36 e Marco 1.21-28). Dopo el ga guario da ła fieora ła suocera de San Piero (Luca 4.31-44). Par Luca 7:1–10, Cafarnao ze anca el posto indove on centurion roman gavea domandà a Jezù de guarire el so servo. Cafarno el vien anca mesonà intel Vanzeło de Marco (2,1), e ze anca ła łocałità indove ze venjesto ła conosesta guarijon del parałitego che ze stà fato nar zo dal teto par nar da Jezù. Par i Vanzełi sinoteghi, Jezù el ga scelto stà sità come sentro del so ministero de salvesa in Gałiłea, dopo chel ga łasa el picoło borgo de montanja de Nazareth (Matio 4,12–17). Anca el ga małedio ła sità, dizendo "Fin ai inferi te presipeterè!" (Matio 11,23) a cauza che no ze stà scoltà i so insenjamenti.