Canpo Santa Malgarìta

Canpo Santa Malgarita, el ze un canpo de Venesia, situà inte'l sestièr de Dorsoduro.

Canpo Santa Malgarìta
Epònemo	Céxa de Santa Malgarìta
Dati
Sorte	Canpo (urbanistega)
Pozision
Rejon aministrativa	Municipalità di Venezia-Murano-Burano (Itàlia) (it)
Pozision	Dorsoduro
45°26′03.84″N 12°19′25.76″E

Canpo Santa Malgarita

Storia e descrision

El topònemo se riferise a ła Cieza desconsagrada de Santa Malgarìta, łogada a l'estremità nord orientàl del canpo.

L'aspeto atuałe el ze dovùo ai intarventi de ła segónda metà de l'Otosento decretài da łe autorità austro-ungàreghe che łe ga menà, par razon de caràtere izènego, a l'inbonimento de serti rii. Prima de'l 1863 el canpo el respetava el schema tìpego de altri canpi venesiani a vogasion mercantìl, dełimità a sud da na via d'acua costituìa dal rio de ła Scoasera, cołegàda al rio de San Barnaba dal rio de Ca' Canàl. El canpo el ze noto parchè tradisionàl łiogo de ritrovo zovanìl vista ła visinansa a l' IUAV, a Ca' Foscari e vari istituti supariori. A ciò se ghe zonta ła poca distansa da ła stasion feroviaria, da Piasal Roma e da difarenti łoghi de intarese monumentàl.

Monumenti e łoghi de intarese

Só'l canpo par lo pì caratarizà da tìpeghe architetute popołare venesiane, insiste serti edifisi de rełievo architetònego:

Architeture siviłi

• Scoła dei Varoteri (1725), overosìpia i consapèłe, che i se prezenta cofà un edifisio izołà in mezo a'l canpo, a sèito de l'interaménto de'l rio de ła Scoasera.
• Ospisio Scrovegni, postà so'l łado sud de'l canpo.
• Scoła Granda dei Carmini, al łimite sud-osidentàl de'l canpo (ndove che A se łeva oncora ła Ceza dei Carmini), ła ze el momento de mazor rimàrco artìstego, òpara de'l Longhena, contenjente pitùre de'l Tiepoło.
• Caza Foscoło Corner, pałaseto tresentesco a'l sivico 2927.
• Caza setesentesca a'l sivico 3429-3430 łogada 'rente el canpanìl. Al sentro de ła fasàda, sòto ła łinea de spòrto A ze prezente na scultura de'l cuatrosento rafegurante Santa Malgarìta provenjente da ła visina Ceza desconsagrada.

Architeture rełigioze

• Ceza de Santa Malgarita, soprimesta inte'l 1810, ła ze afasada so ła całe che ła vien fòra a nord da'l canpo.
• Ceza dei Carmini

Altro

• Monumento ai cazùi de ła Granda Guera: inaugurà el 4 novenbre 1923, el reporta i nomi dei 100 cascà de ła parochia dei Carmini sormontà da cuatro sculture in bronzo rafeguranti łe cuatro vertù del soldài itałiani: Prudénsa, Giustìsia, Tenperansa e Fortésa, òpara de'l scultór Angelo Franco.

Tre somegie de'l canpo

• 
  Venesia - Canpo...
• 
  Venesia - Canpo...
• 
  Canpo Santa Malgarìta

Voze łigàe

• Santa Malgarìta

Linganbi foresti

• Sito che parla del Canpo e de ła Scoła dei Varoteri che se cata in mexo al canpo
• Da łe Zatare a Piasal Roma pasando anca par Canpo Santa Margherita (in lengua inglexe) Archivià il 21 de zenaro 2012 in Internet Archive.

Altri progeti

Altri progetti

• Wikimedia Commons

• Wikimedia Commons el detien imàjini o altri file so Canpo Santa Malgarìta