Congreso continentałe
El Congreso continentałe el zera l'órgano dełibarativo de łe trèdaze cołònie inte el perìodo cołoniałe finmente ła Revołusion americana. Inte el córar de ła so istòria se ga avesto trè sentae del congreso.
| ||
| Sorte | Parlamento e funsion  | |
|---|---|---|
| Intervało de tenpo | 1774 - 1789 | |
| Stato | Stati Unii de l'Amèrica | |
|
| ||
El congreso continentałe inte el dì de uncó el vien ciamà Congreso dei Stati Unii.
Primo congreso continentałe canbia
|
Par savèrghene de pì, vardarse ła voxe Primo congreso continentałe. |
El Primo congreso continentałe el ze sta un convegno de dełegai de dódaze de łe trèdaze cołònie britàneghe del nord Amèrica avegnesto el 4[1] de setenbre 1774 a Philadelphia. I cołogni i se ghea acordà in do proposte: ła prima inte el detegnere dei raprezentanti inte el parlamento ingleze; ła seconda de vere un "inpero desentrà", o sia afermar el derito dei cołogni a promulgare leji votae inte łe so asenblee. I ghea declarà parò iłejìteme, parché incostitusionałi e contro el prinsipio no taxation without representation, łe denomenae "leji intołeràbiłi" (emanae dal parlamento inglezo cofà che retorsion al "Boston tea party").
Secondo congreso continentałe canbia
|
|
Par savèrghene de pì, vardarse ła voxe Secondo congreso continentałe. |
El Secondo congreso continentale el ze sta na reunion de raprezentanti de łe 13 colònie britàneghe in nord Amèrica che el se ga avesto intrà el 10 de majo del 1775 e el 1º de marso del 1781. Sto congreso el ga formułà ła Declarasion d'Indipendensa e i Artìculi de ła Confederasion inte i cuali se ga stabiłio ła sovranità fondada sol pòpoło e soratuto l'uguajansa dei deriti intrà i òmani: derito a ła vita, derito a ła libartà, derito a ła reserca de ła fełisità.
Congreso de ła confederasion canbia
|
|
Par savèrghene de pì, vardarse ła voxe Congreso de ła confederasion. |
El congreso de ła confederasion el ze sta un "corpo goernativo" dei Stati Unii d'Amèrica dal 1º de marso 1781 al 4 de marso del 1789. Sto congreso el ze sta conponesto da delegai ełezesti da ła lejislatura del Stato dal cuało el candidà provegneva. El congreso de ła confederasion el ze sta el imedià susevidor del secondo congreso continentałe.
Notasion canbia
- ↑ FRIEDRICH von GENTZ, L'origine e i princìpi della rivoluzione americana a confronto con l'origine e i princìpi della rivoluzione francese, Sugarco Edizioni, 1800.
Altri projeti canbia
Wikimedia Commons el detien imàjini o altri file so Congreso continentałe
Linganbi foresti canbia
- (EN) Continental CongressEnçiclopedia Britannica, Encyclopædia Britannica, Inc.
| Controło de autorità | VIAF (EN) 142488871 · GND (DE) 64838-3 · WorldCat Identities (EN) 142488871 |
|---|