Conservatorismo

El conservatorismo xe na corente pulitego-cultural da le carateristeghe difarenti a segonda dei contesti nasionali. I xe contrari ai progresisti e la xe na corente pulitega che de sołito la se poxisiona a sentro-drita che favorise la conservasion de le tradision, la fameja, la cultura e a 'olte anca la relijon del paexe andove i se cata.

En economia i conservadori i tole na pulitega de tipo protesionista, esendo contrari al libaro marcà, anca se, inte el XX secolo alguni partii conservadori i ga ciapà poxision liberali, tal'olta aleandose co st'ultimi difendendo el sistema socio-economego capitalista in opoxision al comunismo e al sociałismo. La fuxion tra i conservadori e liberali la se ciama liberałismo conservadore.

I prinsipi in xenerale canbia

I ponti ideoloxisi del conservatorismo i se pole definir cusì:

la dotrina fiscałe xe uno fatori prinsipali che difarensia i conservadori dai progresisti. I vole sbasar la spexa publega, par rivar al parejo de balanso. Se serca de frenar i interventi del stato in economia, jutando che se fasa privatixasion e deregolarixasion. L'fin de sta idea l'é chelo de sbasar le tase, cusì sbasado el debito publego e jutando cusì investimenti inte el paexe.
la dotrina sociałe inte i temi sociali, ndando contro a le adosion gay, eutanaxia, antiproibisionismo e na 'olta anca so l'aborto e i matrimoni gay. I vole pene forti contro la criminalità. Sto ponto, el serca de metar insieme i temi claseghi del conservatorismo co la justisia sociale, butandoli in ciave anti-statalista e liberista.
el tradisionałismo (ciamà Toryismo inte i paexi anglofoni) marca el rispeto e la nesesità del giusnadurałismo e de na moral comune, favorendo la conservasion de le tradision, la fameja, la cultura e a 'olte anca la relijon del paexe andove i se cata, marcando la decadensa portada da l'iluminismo e da le rivolusion, che le ga causà el rabaltamento dei valori morali e sociali.

Corenti del conservatorismo canbia

el conservatorismo liberałe che el se mete a Sanca. El sostien le idee so la fiscalità, ma sol canpo social l'é pì progresista.
el conservatorismo libertaro o fuxionismo l'é tipicamente prexente inte i Stati Unii. El mantien poxision libartarie in economia ma el xe pi conservator sol canpo etico.
el conservatorismo nasionałe che el se mete a Drita. L'é nasionalista. El se caraterixa marcando la contrarità a l'imigrasion clandestina, al multiculturalismo e a la globalixasion. I sostien el protesionismo e on fià de statalismo in economia.
el neoconservatorismo xe na peculiarità statunitense del conservatorismo. Ghe va ben el neoliberismo, interventismo, osidentalismo e patriotismo e l'é contro a l'intersionalismo e el ixolasionismo. I domanda la limitasion de l'intervento statal. Grandi raprexentanti i xe stai Reagan e Bush;
el conservatorismo uninasionale: el ga na linia dura e penalista, el ritien che le clasi che sta mejo le gapia da esar solidali co le clasi lavoratrisi. Sta ideoloxia la xe d'acordo co el libaro marcà drento el paexe, parché par jutar ai inprenditori nasionali se ga da esare protesionisti.
el teoconservatorismo (semplisemente tecon, da "Teo", osia Dio; e "Con", osia conservatore). El movimento Teocon l'é on ultra-conservatorismo soi temi sociali, in particolare sui diriti dei gay. El movimento Teocon el xe forte inte i Stati Unii, andove el vien riconosuo par el fondamentalismo cristian e che i dixe sia nesesario difendare la siviltà osidental. In Italia el termine se uxa par parlar dei democristiani de drita.

Wikimedia Commons el detien imàjini o altri file so conservadurismo

Controło de autorità	LCCN (EN) sh85031272 · GND (DE) 4032187-3