Dermatołoxia
Ła dermatołoxia (dal grego derma, pełe) ła xe ła rama de ła medexina che ła se òcupa de łe patołoxie ligae a ła pełe e dei a-nesi cutani (pełi, caveji, onxe, ghiàndołe sudorìfare). On mèdego speçałixà in dermatołoxia el njien ciamà dermatòłogo. I dermatòłoxi i xe mèdeghi speçałixai inte ła diàgnoxe e tratamento de małatie e tumori de ła pełe e dei so a-nesi. Ła dermosifiłopatia invese ła stùdia łe małatie cutane asoça a łe małatie sesualmente trasmitìbiłi. [1]
Dermatołoxia | |
Prategà da | dermatòłogo |
---|---|
Ojeto de stùdio | pele e lesioni elementari della cute |
MeSH | D003880 |
El primo tratà de dermatołoxia, De morbis cutaneis, el xe sta tribuio al mèdego forliexo Girolamo Mercuriali.
Speçałixasion canbia
Storegamente ła venereołoxia, rama de ła medexina che ła se òcupa de diagnostegar e tratar łe małatie sesualmente trasmitìbiłi, ła xe nasesta e ła se ga indirisà èsar cofà rama de ła dermatołoxia.
Ła dermatołoxia ła tołe inte el so drento racuanti èsari, sia mèdeghi che chirùrxeghi; par exenpio ła terapia chirùrxega dei tumori cutànii (conprendesta ła chirurxia microgràfega de Mohs), ła chirurxia laxer, ła terapia fotodenàmega, i trataminti estèteghi baxai so ła doparasion de tosina botułìnega e so i reinpienidivi a baxe de àsido jałurònego ( (EN) filler), ła scleroterapia e ła liposusion, i peeling chìmeghi.
Intrà i dermatòłoghi, ghene xe calcheduni in partegołar esperti in calcheduni spesìfeghi èsari de ła rama speçałìstega:
- El dermopatòłogo el xe on dermatòłogo esperto inte ła letura e interpretasion dei pareciai instołòxeghi.
- El dermatòlogo pediàtrego el xe esperto inte ła diàgnoxe e inte ła cura de łe małatie dermatołòxeghe dei putełi.
- El imunodermatòłogo el xe esperto inte ła diàgnoxe e inte ła cura de łe małatie de ła pełe a esiopatoxenexi imunopatołòxega, cofà par exenpio łe małatie bołoxe (pemfigo), el lupus eritematoxo, eçe.
Notasion canbia
- ↑ Treccani, dermosifilopatia, n°1
- Wikimedia Commons el detien imàjini o altri file so dermatołoxia
Controło de autorità | LCCN (EN) sh85037090 · GND (DE) 4135648-2 · BNF (FR) cb119318614 (data) · NDL (EN, JA) 00563157 |
---|