Co eorocomunismo se intende el projeto pulitego-ideolosego de un marxismo intermedio al leninismo e al sociałismo democratego. El jera un projeto che dal 1976 ga ciapa i tre principali partii comunisti de l'Eoropa osidentale: el Partio Comunista Italian, el Partio Comunista Fransexe e el Partio Comunista de Spagna. Sta idea la jera poxada anca dal Partio Comunista de Gran Bretagna.

Enrico Berlinguer un raprexentante del Eorocomunismo, secretario del PCI

In xenerale canbia

Su par xò de la metà dei ani setanta, jera evidente come el PCI, PCF e el PCE i gavese la capasità par metar in discusion la xestion del podere e de la goernabilità inte i so paexi. Ste mese in discusion, le ga modificà le ideoloxie de sti partii in manjiera fonda, cusì tanto da vardar de mal ocio el PCUS (partio comunista de l'Union Soviètega), al cual tuti i partii comunisti filo-sovietisi i ghe ndava drio par laorar sora le linee puliteghe. Xe par sto motivo, che inte el 1974 xe sta fata na conferensa co tuti i partii comunisti eoropei (a Berlin el 29-30 zugno del 1976), andove el PCUS sperava de tornar el ponto central de l'ideoloxia comunista anca in osidente, ma i ga preferio studiar le proprie <<vie nasionali>> al socialismo.

El scontro tra i partii comunisti del bloco soviètego e del bloco osidental el jera inposìbiłe da evitar. In osidente, ghe jera el Partio Comunista Portogheze che el gavea na linea neostalinista, linee odiae dai partii eorocomunisti, parché chela linea la metea in discusion el prinsipio democratego del comunismo.

Intanto inte el 1975 se raforsa i lingambi eorocomunisti co i incontri PCI-PCE (9-11 lulio) e PCI-PCF (15 novenbre).



Controło de autoritàGND (DE4153159-0 · BNF (FRcb119521955 (data)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Eorocomunismo&oldid=1111753"