La se definise epidemia (dal greco ἐπί + δῆμος, let.: sora del popolo, sora de le persone) el difondarse de na malatia, in genare na malatia infetiva, che colpise cuasi simultaneamente na coletività de individui, o sia na data popolasion umana, con na ben delimitada difuxion inte lo spasio e inte i tenpi, avente la stesa orìxene.

Dal momento che, in na data popolasion, ogni ano, el xe atesx el verificarse de un serto numaro de avegnimenti morboxi, un'epidemia conporta un numaro de caxi in eceso rispeto ai valori atexi par cuela determinada comunità, e so la baxe de le esperiense e del numero de caxi storeghi de morboxità.[1]

L'epidemia de colera a Londra intel 1854 la xe sta studià da John Snow che ga dixegnà cuesta mapa e el relativo studio epidemiolòxego. I punti li indica i caxi de morte, le croxi i posi de acua dove che i maladi gaveva bevù.

Inte la stòria canbia

Epidemie de particolare intensità inte la stòria europea le xe sta de solito pandemie cauxà da zoonoxi, o sia originà da la convivensa dei eseri umani co animali da alevamento. Tutavia par alcune, come la malatia del sudor, le cauxe no le xe gnancora conpletamente ciare. Segue na cronoloxia de le epidemie conosude.

  • La febre tifoide di cui se ga trovà testimonianse inte la Gresa del V secolo vanti Cristo;
  • La peste antonina testimoniada inte la Roma del III secolo dopo Cristo;
  • La peste de Marsiglia del 1720 s-ciopada inte l'omonima sità e poi slargàdase inte le are sitadine limitrofe, ad esclusion de Parixi.
  • La malatia del sudor che ga colpìo l'Inghiltera intel XVI secolo;
  • L'influensa spagnola al'inisio del XX secolo;
  • L'Epidemia de Ebola del 2014;
  • L'epidemia de dengue del 2019-2020 che se ga difondesta intel Sud-est Axiàtego e in Sud America.
  • La pandemia de COVID-19 del 2019-2020 , comunemente ciamata "malattia da nuovo coronavirus", che la xe causada dal SARS-CoV-2. Provegnente da Wuhan (Cina) la se ga difondesta rapidamente in tuto el resto del mondo intel 2020. L'11 marso 2020, la xe deventà la prima epidemia ad eser dichiarada pandemia dall'OMS dopo la publicasion de le ligne guida del 2009.

Voci correlate canbia

  • Baterio
  • Colera
  • Endemia
  • Pandemia
  • Postulati de Koch
  • Reato de epidemia
  • Eceso de ris-cio

Nòte canbia

  1. MS. Green, T. Swartz; E. Mayshar; B. Lev; A. Leventhal; PE. Slater; J. Shemer, When is an epidemic an epidemic?, in Isr Med Assoc J, vol. 4, nº 1, Gen 2002.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Epidemia&oldid=1037364"