L'estension de un file, en informadega, l'è on sufiso, o sia na curta secuensa de carateri alfanumerisi (de sołito tre), poxisionà a ła fin del nome de on file e destacà da ła parte prima co on ponto, col cual el sistema operativo riese a intendare el tipo de contegnuo (testo, muxega, imajine, video...) e el formato doparà par verxalo co l'aplicasion justa.

Łe estension łe njien doparae da tuti i sistemi operativi Microsoft, da MS-DOS a Windows 10.

Ghe xe invese sistemi operativi che i tołe in adosion modi difarenti de identificasion dei tipi de file, on exenpio xe Unix (chel dopara co fini cuaxi compagni sia i diriti d'aceso che el magic number) e i sistemi operativi del Macintosh che vegnea prima de macOS (che i dopara type code e creator code).

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Estension_(file)&oldid=952747"