Hyundai Motor Company


Eror Lua: callParserFunction: function " [[Categoria" was not found.


Ła Hyundai Motor Company (in Hangŭl 현대자동차) ła ze el reparto de ła multinasionałe coreana Hyundai ativa inte łe costrusion automobiłìsteghe.

Infotaula d'organitzacióHyundai Motor Company
(ko) 현대자동차 Cànbia el vałor in Wikidata

Cànbia el vałor in Wikidata
Dati
SorteEror Lua: callParserFunction: function " [[Categoria" was not found.
Indùstriaindustria automobilistica (it) Traduzi Cànbia el vałor in Wikidata
Forma zurìdegainpreza de capitałe verto Cànbia el vałor in Wikidata
Istoria
Creasion1967 Cànbia el vałor in WikidataSeul Cànbia el vałor in Wikidata
FondadorJeong Ju-yung (en) Traduzi Cànbia el vałor in Wikidata
Atività
Prodotoautocarro (it) Traduzi e machina automobile Cànbia el vałor in Wikidata
Menbro deEror Lua: callParserFunction: function " [[Categoria" was not found.
Borsa vałoriEror Lua: callParserFunction: function " [[Categoria" was not found.
Governo d'impresa
PresidènsaEror Lua: callParserFunction: function " [[Categoria" was not found.
Ente controłanteHyundai e Hyundai Motor Group (en) Traduzi Cànbia el vałor in Wikidata
PropietàrioEror Lua: callParserFunction: function " [[Categoria" was not found.

Sito webhyundai.com Cànbia el vałor in Wikidata










Facebook place: Hyundai
Twitter: Hyundai
Instagram: hyundai_worldwide





Youtube: UC5f97D60yHa7UE9rFfbej8g

































Storia canbia

 
Hyundai Pony.

A l'età de sołi 25 ani, Chung Ju-yung, el ga proà far fortuna trasferindose da novo a Seul dopo numarozi tentadivi fałìi. Ła vita in Corea ła zera difisiłe a cauza dei ràdeghi co'l Japon e Chung el ze riusìo a conprar da un amigo un garage par giustar de łe autoveture. Grasie a un préstio de 3.000 won, l’A-do Service Garage ła contava sìrca 20 dependenti e ła se ocupava de ła manutension de łe autoveture. L'ezito el ze stà pozitivo tanto che daspò tri ani l'A-do ła contava suparzó 70 dependenti ma a cauza de l'ocupasion japoneze el garage el ze stà trasformà in na asiałeria par ła produsion de materiałi bełisi. L'A-do Service Garage ła ze stà donca soprimesta. Chung Ju-yung el se ga trasferìo ad Asan co oltra 50 miłe won vadanjài durando ła zestion de l'A-do e el ga proà studiar na strateja par poder investir chel danaro inte na nova azienda.

Inte'l 1946, dopo ła łiberasion de ła Corea da'l dominio japoneze, A ze scumisià un parìodo de recostrusion par el paeze e Chung el ga avùo modo de fondar el 27 de desenbre 1947 ła Hyundai Civil Works Company, azienda spesiałizada inte łe costrusion che ła se ramifegarà e spesiałizarà in numarozi setori investindo soratuto inte'l canpo metałùrzego e inzenjerìstego. Inte'l 1967 A vien fondà a Seul ła Hyundai Motor Company, divizion destinada a ła produsion de veicołi łezieri e pezanti. A se reałiza cusì el sonjo de Chung Ju-yung.

Ła Hyundai Motor Company ła scominsia ła só aventura automobiłistega: inte'l febraro de'l 1968 A vien firmà un acordo co ła Ford par prodùzer so łisensa el modeło Cortina[1], na granda berlina reałizada da ła fameja ingleze de ła Ford. Inte'l novenbre de'l 1968 A ze scumisià l'asenblajo de łe scoche de ła Cortina, inportàe da l'Inghiltera; soło drioman A se ze pasà a na produsion conpleta, bazada parò senpre so'l modeło ingleze. El modeło el ghe ndava in direta concorensa contro ła Toyota Corona che parò ła subiva ełevàe tase da parte de'l goerno parchè ła venjiva inportada e non produzesta diretamente in Corea. Inte'l 1969 A zera stà introduxesta anca ła Taunus 20M che, insieme co ła Cortina, fin a ła metà dei ani setanta ła ga raprezentà sirca l'80% de łe vendite automobiłisteghe in Corea de'l Sud. Indrioman ła Taunus 20M ła ze ndà fora de produsion, sostituìa inte'l 1978 da ła Granada senpre de orìzene Ford.

Ła tapa sucesiva ła ze stà ła prezentasion, inte'l 1975, de ła Hyundai Pony, desenjada da Giorgetto Giugiaro e motorizada co un propulsor japoneze de orìzene Mitsubishi Motors Corporation, azienda co ła cuała inte'l setenbre 1973 A jera stà siglà un acordo de asistensa tècnega[2]. Ła Pony ła ga raprezentà anca el primo autoveicoło de projetasion coreana.

Ła projetasion e costrusion intieramente "in caza" dei pròpi modełi ła ze invese scominsiada co ła Hyundai Sonata inte'l 1988. Inte i stesi ani, in concomitansa anca co'l pasajo de consenje intrà el fondador Chung Ju-yung e el fio Chung Mong-koo, l'azienda automobiłistega coreana ła ga espandesto el só rajo de asion fora da ła patria, otenjendo un bon suceso de vendite anca so'l marcà nordamerican ed europeo.

Inte'l 1998, in ocazion de ła granda crize de łe borse aziàteghe Hyundai ła ga acuizìo el controło de ła caza rivałe Kia Motors, dazendoghe łogo a ła nova sosietà Hyundai Kia Automotive Group che, inte i ani drìo, ła ga strenzesto acordi de cołaborasion co ła DaimlerChrysler.

El 5 de novenbre 2015 Hyundai ła łansa Genesis, na marca de łuso (nome ciapà da l'omonema auto de łuso produzesta da ła caza) i cui nomi dei modełi i sarà formà da ła łétara G e, a segonda de ła categoria de'l modeło, dai nùmari 70, 80 e 90. El primo modeło, ła G90 (destinada a sostituir ła Equus), el ze stà prezentà inte'l desenbre de'l 2015. El responsabiłe de'l design dei futuri modełi, par el cuało A ze stà zviłupà a l'interno de'l grupo Hyundai na strutura apozita, ła Prestige Design Division , el sarà Luc Donckerwolke, za responsabiłe in pasà de'l design de caze come Bentley e Lamborghini.[3]

Sponsorizasion canbia

Da'l 2002 el ze deventà uno dei sponsor ofisiałi de'l Canpionato mondiałe de calcio. Da'l 2012 el zw sponsor ofisiałe de maja de l’Olympique Lyonnais, miłitante inte'l canpionato de calcio franseze Ligue 1.

Da l'istà 2018 el deventa retro sponsor par łe partìe nasionałi de l’AS Roma, ponendo el proprio logo inte ła parte dadrìo de ła diviza de zogo de ła scuadra załorosa, pozisionandoło soto a'l nùmaro de'l zogador. Senpre inte l'istà 2018 A vien firmà i acordi de sponsorizasion co'l Chelsea, co l’Atletico Madrid e co Herta Berlino come sponsor de mànega de łe divize de zogo par łe conpetision nasionałi.

Modełi produzesti canbia

 
Hyundai Grandeur, partner FIFA ai Canpionati del Mondo de Calcio Zermania 2006.
 
El modeło H-1.

Ła Hyundai Motor Company ła costruise e ła ga costruìo autoveture utiłitarie, berline, coupé e fuoristrada tra cui:


Concept car canbia

Notasion canbia

  1. (KO) Łe prime automobiłi produzeste da ła Hyundai: ła Cortina e ła Granada de orìzene Ford
  2. Facts & Figures Mitsubishi Motor Corporation 2000, Public Relations Department, Mitsubishi Motor Corporation, settembre 2000, pag. 31
  3. (EN) Former Bentley design boss Luc Donckerwolke moves to Hyundai, www.autocar.co.uk. entrada il 30 marzo 2019.

Altri projeti canbia


Linganbi foresti canbia



Controło de autoritàVIAF (EN123682283 · ISNI (EN0000 0001 1954 9421 · LCCN (ENn87858450 · BNE (ESXX5049446 (data) · NDL (ENJA01228837 · WorldCat Identities (ENn87-858450
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Hyundai_Motor_Company&oldid=1157735"