Joseph Conrad



Joseph Conrad, pseudònimo de Józef Teodor Nałęcz Konrad Korzeniowski (Berdicev, 3 de dissenbre del 1857 – Bishopsboume, 3 de agosto del 1924), el xe stà un scritor polaco naturaizà britànego.

Ritrato de Joseph Conrad

Considerà uno dei pi inportanti scritori moderni, el xe stà bon - grassie a un lenguajo tanto rico (e nonostante la engua inglese la fusse la so tersa engua, dopo chea polaca e chea fransese) - de ricrear in maniera masistral atmosfere esòteghe e fiflètar i dubi de l'ànemo uman inte el confronto co tere selvaje. Xe universalmente reconossùo cofà uno dei grandi mestri de la prosa. tanti dei so laori i xe pervasi de romantissismo ma el xe considerà soratuto cofà inportante precursor del modernismo. El so stil naratìo e i so personaji anti-eròissi i ga infruansà tanti scritori, intra i quai Ernest Hemingway, David Herbert Lawrence, Graham Greene, William S. Burroughs, Joseph Heller, V.S. Naipaul e John Maxwell Coetzee.

El ga ispirà, in oltrà, difarenti film, intra i quai Apocalypse Now (trato dal so Heart of darkness). Intanto che l'Inpero Britànego el rivava al so àpese, Conrad el ga desfrutà la so esperiensa inte la marina fransese e, sussessivamente, inte quea britànega par scrìvar romanzi e conti che i riflete aspeti de un inpero "global" e, al tenpo stesso, l'esplora i abissi de la mente umana.


Controło de autoritàVIAF (EN73862853 · ISNI (EN0000 0001 2102 3402 · El vałore CFIV006619 de SBN no el xe mija bon. · Europeana agent/base/60062 · LCCN (ENn79054067 · GND (DE118521861 · BNF (FRcb11997587p (data) · BNE (ESXX870166 (data) · NLA (EN35030624 · BAV ADV10374746 · NDL (ENJA00436482 · WorldCat Identities (ENn79-054067
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Joseph_Conrad&oldid=1159917"