El letor MP3 (pronuncià emepitrè) el xe un marchingegno portatile par scoltar la musica, codificà in formato MP3 (o volendo anca in altri formati come AAC, WMA, FLAC etc.). Grazie a le so ridote dimension (se pol tegnerlo tranquilamente in scarsela) e a la granda difusion de le canzoni MP3, el ga ormai ciapà el posto de i veci dispositivi portatili come el walkman o el letor de CD portatile.

Un letor MP3

MP3 e computer canbia

El se taca al computer tramite la porta USB, e se pol copiarghe inzima le canzon che uno el ga inte el computer (otegnue cronpandole su Internet o tirandole zo da un CD, o anca scaricandole co i programmi peer-to-peer, anca se no sarìa mia legal). La memoria interna dove xe conservà le canzon la pol esar na memoria flash, simile a quela che ghe xe ne le ciavete USB, oppure un disco duro (che el tien piesè canzon, ma el xe anca pi grando e pesante).


Controło de autoritàNDL (ENJA01048835
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Letor_MP3&oldid=1055187"