Marghera o anca Venesia Marghera (ma el nome vecio de ła sità el sarìa Malghera, che deso no dopara squaxi più nisuni) ła xe na frasion del comun de Venesia. Ancuo ła ga a ocio 30 000 abitanti. Ła xe uno dei posti più popołari del comun venesian e soratuto ła ga tacà el sentro interchìmego, indove che i lavora un mièr de abitanti de Marghera. La xe nasua inte i ani vénti e trenta del Novesénto par verghe anca a Venesia un porto industrial e de tràfeghi de tipo moderno, e par tirar su un quartier de teraferma indove ła sità ła podese slargarse.

Marghera
Someja


Pozision

Map

45°28′33″N 12°13′29″E / 45.475833°N 12.224722°E45.475833; 12.224722Coordinae: 45°28′33″N 12°13′29″E / 45.475833°N 12.224722°E45.475833; 12.224722

StatoItàlia
RejonVèneto
Sità metropułitanaSità metropułitana de Venèsia
Comuni de l'ItałiaVenèsia Cànbia el vałor in Wikidata
Còdazi de identifegasion
Còdaze postałe30175 Cànbia el vałor in Wikidata
Fuzo oràrio

















































MusicBrainz: d60c273a-4563-4a75-bd83-4a7c1ad34da4



A Marghera ghe xe na stasion feroviaria, che ła se cata xusto prima queła de Santa Lusia e ła sóa poxision ła xe ai màrxeni de Marghera, squaxi a Mestre. El paéxe el xe cołigà a Venesia e a łe altre parte del comun co lìnee de bus e xe rivà anca el tran.

Marghera ła xe el posto da indove el vien el grupo reggae venesian Pitura Freska. Ghe vien anca el grupo Le Orme, ativo fin dal 1966.

Storia canbia

 
Mapa del forte Marghera

Prima che el porto e ła xona rexidensial i fuse tirai su, sti posti i gera ciamai i Bottenighi. Qua no ghe gera miga edifisi vèri, ma soło strade che łe 'ndava verso Cirignago. El nome de Marghera (=el mar ghe gera) el vegniva doprà par parlar de na pìcoła viła che ła gera łontan dó chiłòmetri da indove se cata ła Marghera de ancuo: el gera fato de qualche caxa, na Ceza e un par de magazeni indove i se fermava łe robe che łe gaveva da rivar a Venesia. Inte el 1805 sta viła el xe stà butà xó par tirar su Forte Marghera.

Ła costrusion del porto e de ła xona industrial ła xe scomensada ai prinsipi del XX sècoło perché Venesia ła gavese un bon porto par far concorénsa ai altri del Mediteraneo. Par reałixar sto progeto Mussolini el ga anca sièlto che sti posti (comun de Mira), asieme a Cirignago, Mestre, Zełarin, Fàvaro Vèneto łe deventase tute parte del comun de Venesia. El progeto el contegniva anca ła costrusion de na xona rexidensial. Marghera ła xe stada colpia da łe bonbe dei Ałeai durante ła Seconda guera mondial. Daspò Marghera ła xe cresua e sta roba ła ga avuo come conseguensa ła nàsita de altri posti come Caène, intorno a ła parochia de Santa Maria de ła Sałute.

A partir dal 1998, col finansiamento de ła region Vèneto el xe nasùo el progeto SIMAGE par controłar ła quałità del'aria de l'àrea industrial de Marghera e ła gestion de łe emergense de contaminasion chìmega daspò insidenti industriałi, anca se in sti ùltimi ani Marghera ła xe drio pasar da séntro più rexidensial che inudustrial e łe ga verto axiende rispetoxe verso l'anbiente e chel salvi l'ocupasion.

Notasion canbia


Ligami foresti canbia


Controło de autoritàVIAF (EN157094121 · LCCN (ENn79072698 · GND (DE4277800-1 · BNF (FRcb120708034 (data) · WorldCat Identities (ENn79-072698
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Marghera&oldid=1135813"