Memphis Grizzlies

I Memphis Grizzlies i ze una de łe trenta scuadre de basket che łe zoga inte ła NBA, el canpionado de basket de i Stati Unii.

Storia de ła scuadra

Nasesti inte el 1995, i ga tacà a zogar a Vancouver in Canada insieme a i Toronto Raptors, ma i primi sincue ani no i ze stài proprio boni: A se recorda Bryant Reeves, Antonio Daniels e Mike Bibby. Inte el 2001 i se ga spostà dal Canada al Texas, a Memphis, dove che A ze rivà suito Shane Battier e el sentro spanjoło Pau Gasol, che el se ga revełà un òtemo zóvane tanto da vìnsar el premio de Rookie of the Year ("zóvane de l'ano"). I ani dopo A ze rivà James Posey e Mike Miller che co cuełi e Gasol i Grizzlies i ze riusìi a rivar a i playoffs, sansa vìnsar parò njente. Co ła rotura del piè de Gasol inte el 2006, ła scuadra ła ze stà obrigada a véndarlo a i Lakers visti anca i bruti rezultadi: i ani dopo A ze rivà Zach Randolph e Marc Gasol, fradeło de Pau, che insieme a Rudy Gay i ga pian pian portà da novo i Grizzlies tra łe pi forte scuadre.

Inte 'sti ùltemi ani, dopo che Gay el ze stà vendùo, A ze rivà Mike Conley che intorno a cueło A se ze drio costruir ła scuadra del futuro, desfrutando ła esperiensa de Randolph e Gasol.

Altri progetti

• Wikimedia Commons

• Wikimedia Commons el detien imàjini o altri file so Memphis Grizzlies