New York Knicks

I New York Knicks (o “Knickerbockers”, come che i jera ciamài i abitanti de New York na volta) i xe una de łe trenta scuadre de basket che łe xoga inte ła NBA, el canpionado de i Stati Unii. Insenbre a i Boston Celtics e a i Golden State Warriors i xe inte ła NBA fin da cuando che ła xe stà fondada inte’l 1946.

Storia de ła scuadra canbia

Fin a’l 1985 no i ga mai otenjùo partegołari rexultadi parché no i gaveva in scuadra parsonaji forti, ma inte’l draft de chel’ano i ga sejesto Patrick Ewing, che’l restarà in scuadra par cuìndaxe ani (dopo A rivarà anca Allan Houston e Latrell Sprewell) fin che el se farà mal. Inte i ani Domiłe no i xe stài mìa tanto protagonisti, njanca dopo l’arivo de l'ałenador Mike D’Antoni; A se pol ben dir che a New York, anca a càuxa de’l nome inportante de ła sità, A xe pasà tanti de chiłi xogadori che parò no i ga łasà nesun senjo: A baste pensar a Amar’e Stoudemire (contrato da 100 miłioni de dòłari), Chauncey Billups, el nostran Danilo Gallinari, Baron Davis, Carmelo Anthony.

De fato ła sità de’l “gran pomo” ła se conferma, anca a łevel de basket, un specio che’l reciama tanta xente soło che pa i schei, sansa parò tanta sostansa soto.

Altri projeti canbia


Linganbi foresti canbia


Controło de autoritàVIAF (EN146548427 · LCCN (ENn50009422 · WorldCat Identities (ENn50-009422
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=New_York_Knicks&oldid=1099637"