Ocultasion

Un'ocultasion o ocultamento el ze l'ecrise de un astro produzesta dal pasajo de un calsìase altro corpo cełeste intrà sto cuà e l'oservatore.

Ocultasion de Saturno par via de ła Luna el 2 de novenbre del 2001, catura fata co un tełescòpio amatoriałe
Zove (el ponto lumenà inte l'alta verso drita) che el ze drio par vegner ocultà da ła parte no iłumenà de ła Luna.

Se dopara el tèrmeno ocultasion co che l'ojeto pì arente el pare a l'oservatore tanto pì grando de cueło distante, che el vien totalmente sconto par un tenpo inversamente proporsionałe a ła vełosità angołare e diretamente proporsionałe al diàmetro e a ła trajetòria del corpo ocultante. Se dòpara invese el tèrmeno tranzito co che l'ojeto pì arente el pare a l'oservatore tanto pì picenin de cueło distante e in magnera prospètega tranzitante so ła superfise de cueło pì distante par chi che l'oserva. Par ezénpio el trànzito de Mercùrio o Vènere sol disco sołare.

Se inte el lenguajo comun i tèrmani "ecrise" e "ocultasion" i ze sinònemi, in cueło astronòmego ła ze nesesària na definision pì streta. La definision ufisałe de ocultasion el ze cueła reportada inte el testo normativo Explanatory Supplement to The Astronomical Almanac: Na ocultasion ła ze l'inscurimento de un corpo sełeste da parte de n'altro de major diàmetro d'aparensa: in special-magnera el ze el pasajo de ła Luna davanti na steła o un pianeta, o sia el ze el sparir de un satèłite de drio del disco del so primàrio. Se ła prinsipałe fonte de iłumenasion de un corpo refletente ła vien interonpesta da l'ocultasion, el fenòmeno el ze anca ciamà ecrise. L'ocultasion del Sołe da parte de ła Luna ła ze na ecrise sołare.[1]

Le ocultasion ła ze un fenòmsno che, in zenerałe, el se verìfega reiteramente: ła Luna e i pianeti i ocultan tanto de frecuente łe stełe finmente che i se move inte el sieło, e i satèłiti medìzei de Zove i se oculta resiprocamente guałivamente. Anca altri corpi sełesti (cofà asteròidi, comete e altri) i mete in pie frecuenti ocultasion.

Notasion canbia

  1. P. Kenneth Seidelmann, Explanatory Supplement to The Astronomical Almanac, Mill Valley, California, University Science Books, 1992, p. 733

Altri projeti canbia


Linganbi foresti canbia



Controło de autoritàLCCN (ENsh85093825 · GND (DE4519387-3 · BNF (FRcb180565097 (data)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Ocultasion&oldid=1069976"