Oftalmołoxia

Ła oftalmołoxia, anca ciamada oculìstega o oftalmoiatria (dal grego ὀφθαλμός, "ócio" e el sufìso -λογία, "-loxia" - tratà, stùdio, siensa) ła xe ła rama de ła medexina che ła se òcupa de prevension, diàgnoxe, riabiłitasion e terapia sia mèdega che chirùrxega de łe małatie de el aparato vixivo, o sia el òcio e dei so inesi, de ła coresion dei costumari refrativi (costumar de rifrasion o ametropia) e de łe patołoxie vixive corełae. Se trata de una de łe disipline mèdeghe e chirùrxeghe pì antighe e ła njien prategada dal mèdego ciamà ocułista, anca ciamà oftalmòłogo.

Oftalmołoxia
"ophthalmology and optometry"
On instrumento doparà in ocułìstega (fotòtaro)
Prategà da	ocułista
MeSH	D009885

Prinsipałe małatie

Ła ocułìstega ła se òcupa de małatie de vària sorte:

• da categorixar:
  • glaucoma: subentra par el pì co ła presion ocułare interna ełevada (a rìs-cio de cecità sensa tratamento mèdego);
  • sindrome de Horner: tìpega trìade de mioxi, blefaroptoxi ed enoftalmo.
• de ła rètena:
  • daltonismo
  • emerałopia
  • dexenerasion macułare
  • destaco de ła rètena
  • azoor (acute zonal occult outer retinopathy/retenopatia esteriora oculta locałe acuta)
  • retenite pigmentoxa
  • sìndrome de Aicardi: defamento del serveło, inte el cuało anca ła rètena ła xe coinvolxesta.
  • scotoma: redusion del canpo vixivo (che par colpa soa ła vista ła rexulta descançełada in de łe àree) cauxada da lexion de łe vie òteghe da ła rètena ai sentri vixivi cortegałi
• del corpo vitreo:
  • miodexopsia: vixion di corpi mòbiłi
  • spinteropia
  • sorlevamento del corpo vitreo: conosesto anca cofà destaco del corpo vitreo. El sìntomo el xe cheło de ła frecuente vixion de corpi mòbiłi.
• de ła còrnea:
  • distrofia corneałe
  • infiamasion de ła còrnea o cheratite
  • cheratocono: dexenerasion corneałe caraterixada da on slevà astigmatismo iregolar che el inpedise na bona vixision. In caxi estremi xe nesesàrio on trapianto de còrnea
  • xeroftalmia: łe reentra soto sto tèrmano i cuadri clìneghi de łe dislagrimie che łe pròvoga sechesa ocułar. Tìpega insieme a ła xerostomia de ła sindrome de Sjögren
• dei costumari de rifrasion e patołoxie corełae:
  • mexurasion de l'acuità vixiva e dei costumari refrativi e de ła so coresion co ła prescrision de lenti pì pròpie inte ła forma de ociałi, lenti a contato o co ła doparasion de ła chirurxia refrativa (par exenpio ła coresion de ła curvadura de ła còrnea co el làxer a esìmeri), o sanò co ła saldadura de partegołari lenti a contato sora de ła còrnea co partegołari instrumenti
  • miopia
  • iperopia o ipermetropia
  • astigmatismo
  • ambliopia
  • anisometria o anisometropia
• del cristałin:
  • lusasion del cristałin
  • catarata: perdita de trasparensa del cristałin
  • afachia: asensa del cristałin
  • presbiopia
• de ła motiłità ocułar, oftalmołoxia pediàtrega e strabismo:
  • sìndrome de Brown
  • strabismo
  • paresi abduxente
• de łe seje e de ła conxontiva:
  • conxontivite
  • conxontivite ałèrxega
  • conxontivite xigantopapiłare
  • conxontivite de orìxane batèrega
  • conxontivite de orìxane virałe
• małatie sistèmeghe che łe se połe manifestar inte l'òcio:
  • arterite tenporałe (definia anca Morbus Horton o arterite macrosełułare). Se parla de na vascułite che ła połe portar a ła cecità.
  • diabete mełito: ła połe sasinar scuaxi tuti i tesui de l'òcio, pì de frecuente parò se cata na retinopatia diabètega.
  • morbo de Graves-Basedow (ipertiroidismo so baxe autoimune) che ła detèrmena esoftalmo biłaterałe co segni de Darlympe (retrasion de ła palpiera superior) e de Graefe (ritardo de ła palpiera inte el sevir el bulbo ocułar co se varda in xo).
  • sìndrome de Sjögren o sindrome sica andove se ga na conetivite autoimune che ła detèrmena xeroftalmia e xerostomia; ła połe èsar asoçada a altre conetiviti, cofà el lupus.
• de łe vie lagremałi:
  • òcio seco
  • òcio lagremoxo

Altri projeti

Altri progetti

• Wikimedia Commons

• Wikimedia Commons el detien imàjini o altri file so oftalmołoxia

Linganbi foresti

• (EN) ophthalmologyEnçiclopedia Britannica, Encyclopædia Britannica, Inc.