I Romani i ciamava oppidum (plurałe: oppida)[1] l'insediamento prinsipal de on'area aministrativa.

Giulio Cesare el doparava sto termine anca par i insediamenti che el ga catà in Gallia; ogni tribù gałica ła controłava difarenti oppida. Ła stessa paroła vien inquó doparà anca par tute łe grande sità pre-romane de l'Eoropa osidental e sentral. Pareci oppida i zera costruì intorno forteze de cołina, siben de par sé el termine oppidum no el inplica necesariamente ła presensa de fortificasion. I oppida sircondai da fortificasion in tera (el cusidito murus gallicus) i zera ciamai oppida fortificadi.

Note canbia

  1. Łatin oppidum, dal vecio łatin ob-pedum, "posto sarà". Pedum el podarìa vegner dal proto indo-eoropeo *pedóm-, 'posto ocupà' e/o 'peca'


Bibliografia canbia

  • John Collis, Oppida, earliest towns north of the Alps (in inglexe, Sheffield 1984).
  • Garcia, Dominique (2004) La Celtique Méditeranée: habitats et sociétés in Languedoc et in Provence, VIIIe - IIe siècles av. J.-C. capitolo 4 La « civilisation des oppida » : dynamique et chronologie. Parigi, Editions Errance. ISBN 2-87772-286-4
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Oppidum&oldid=1112244"