Ła paroła (dal grego παραβολή parabolè, traerso el latin parabŏla, dopo mudà in paràula inte el volgar) ła xe ła espresion orale o scrivesta de na informasion o de on conceto, o sia ła raprexentasion de na idea svolxesta a mexo e inte el presuposto de on rifarimento convensionałe. In morfołoxia ła paroła ła xe definia cofà on ełemento lenguìstego costituio da on morfema lìbaro o da na secuensa de morfemi ligai. In sintasi se se rifarise a ła paroła cofà na entità de ła fraxe asociada a na determenada parte del discorso.

Ełemento de baxe de ła comunicasion verbałe, ła paroła ła ciapa drento de sta cuà el roło de unità mìnema de trasmision de conceti e cusita tałe ła xe stada anca definia "monade lòxega", siben łe sìpia state moveste obiesion a sta version atomìstega, soratuto par efeto dei tanti esperiminti de manipołasion verbałe produxesti inte el partegołar inte l'arte o in dòpari strumentałi spesìfeghi de ła comunicasion.

Notasion canbia


Altri projeti canbia


Linganbi foresti canbia



Controło de autoritàLCCN (ENsh85148092 · GND (DE4066951-8 · BNF (FRcb178090778 (data)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Paroła&oldid=959164"