Portland Trail Blazers



I Portland Trail Blazers i ze una de łe trenta scuadre che łe zoga inte ła NBA, el canpionado de basket meregano. A se ga da dir na curiozità de sta scuadra: fin a uncuò ła ga el record de partìe “tuto ezaurìo” de spetatori, 814 partìe una drio só man de cheł'altra tra el 1977 e el 1995.

Storia de ła scuadra canbia

Dopo ła só fondasion inte’l 1970 A ghe ze stà un pochi de ani de asestamento fin a’l 1974, cuando che A ze rivà Bill Walton come zogador che intorno a cueło A ze stà costruìa na scuadra che, inte’l 1977, ła ga vinto el tìtoło NBA co na beła cavalcada che ła ze conosùa come “Blazermania” da cuanto spetacołare che ła ze stada. Dopo l’infortunio de Walton par un pochi de ani no i ga pì fato parte de łe scuadre pì forti, fin che A ze rivà Clyde Drexler a reportar un poche de vitorie: A ze ben dir parò che inte’l draft de’l 1984 i ga prefarìo cronpar Sam Bowie a i vari Michael Jordan, Charles Barkley e John Stockton, cometindo uno de i erori pì grandi de ła storia de ła NBA. Defati Drexler el se ga suito fato mal e el ze stà vendùo.

I ani Domiłe i se ga verto co na serie incredìbiłe de maganje łigada a i zogadori che i gaveva: Ruben Patterson, condanà par mołestia sesuałe; Arvydas Sabonis e Rasheed Wallace che i se ga menà a pache; Damon Stoudamire condanà par poseso de marijuana; Qyntel Woods condanà a łaori sosiałi par ver organizà conbatimenti tra cani. A ła fine, inte’l 2006, i ze riusìi pian pian a vènjar in cuà cronpando LaMarcus Aldridge prima e Damian Lillard dopo. Deso, co ła copia Lillard - C.J. McCollum e co l'arivo de’l sentro Jusuf Nurkic i ze drio farse un bon nome e drio trovar boni sucesi.

Controło de autoritàVIAF (EN144223312 · LCCN (ENn78014125 · WorldCat Identities (ENn78-014125
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Portland_Trail_Blazers&oldid=1099630"