I San Antonio Spurs i ze una de łe trenta scuadre de basket che łe zoga inte ła NBA, co sede a San Antonio in Texas; el só canpo de gara el ze el AT&T Center.

I Spurs i jera uno de i minbri che i ga fondà ła American Basketball Association, e da cuando che i ze rivài inte ła NBA i ze deventài una tra łe scuadre pì inportanti, gavendo vinto sincue canpionadi, tanto che el só vałor econòmego el ze de sirca 1,150 miłiardi de dòłari.

Cueło che A ze inportante marcar de sta scuadra ła ze ła fiłozofìa, ła mentałità, l’aprocio a’l zogo e a’l stiłe de vita che’l ze cuazi na marca de fàbrega apresà asé.

Storia de ła scuadra canbia

Nasùa inte el 1967 col nome de Dallas Chaparrals, inte el 1973 i se ga spostà a San Antonio in Texas e al primo ano de NBA i se ga conportà ben, vinsendo bełe partìe. L'ano dopo i ze anca rivài primi inte ła só devizion, grasie a George Gervin, Johnny Moore e Larry Kenon; dopo na serie de alti e basi inte i ani Otanta, A ze inisià l'era de David Robinson come zogador sìnboło: in pochi ani Robinson el ga vinto racuanti premi parsonałi, jutando i Spurs a farse nome insieme a i vari Avery Johnson, Dennis Rodman e altri. Inte el 1997 A ze rivà Tim Duncan come ała granda e Gregg Popovich come ałenador, e A se ga formà un grupo tanto forte che el łi ga portài a vìnsar el só primo canpionado. A ze rivà dopo Emanuel "Manu" Ginobili, Bruce Bower e Tony Parker, tuti zogadori che i ga fato ła storia resente de ła scuadra portando tante vitorie e fazendo deventar i Spurs una de łe scuadre pì forti de tuta ła NBA tanto che anca deso i ze in łota par vìnsar.

Tim Duncan el se ga retirà l'ano scorso 2021, ma A ghe ze novi zogadori (sora de tuti Kawhi Leonard) che i ze drio venjer sù ben e che i ze drio refondar un sòcoło duro de cuałità.

Controło de autoritàVIAF (EN154802523 · LCCN (ENn82260259 · WorldCat Identities (ENn82-260259
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=San_Antonio_Spurs&oldid=1099639"