San Fransesco de'l Dezerto

Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da San Francesco del Dexerto




San Fransesco de'l Dezerto ła ze na ìzoła de ła Łaguna Veneta, co na estension de sìrca 4 etari, situàda infrà Sant'Erazmo e Buran. Ła ospita un convento de frari minori, fondà pròpio da San Francesco.

Infobox de Zeografia fìzegaSan Fransesco de'l Dezerto

Cànbia el vałor in Wikidata
SorteÌzoła Cànbia el vałor in Wikidata
Liogo
Rejon aministrativa Itàlia Cànbia el vałor in Wikidata

Map

 
Bagnà daŁaguna de Venesia Cànbia el vałor in Wikidata
Dati e sifre
Mezura0,17 (larghesa) × 0,3 (longhesa) km
Àrea0,036832 km² Cànbia el vałor in Wikidata





















































Storia canbia

Frecuentà insìn da l'età romana, come che testimonia el fato ch'A ze stài ritròvai alguni reperti inte'l sototerèn. El łogo, za ciamà Izoła de łe do Vinje, inte'l 1200 el ze deventà, aprodo par Fransesco d'Asizi, che tornando da l'Oriente e da ła Cuinta Crozada, el zera ndà a predicàrghe el Vanzeło a'l sultan meténdoghe fìn a ła guèra. El Santo el ga sielto l'ìzoła par fondarghe un recèto indove fuse posìbiłe pregar e pensar in paze, łontani da ła mondanità. Daspò ła só morte, l'ìzoła ła ghe ze stàda zlarghizada, inte'l marso de'l 1233, ai Frari Minori da'l patrisio venesian Jacopo Michiel, parente de'l patriarca de Grao Angelo Barozzi, par fondarghe un convento.

Inte'l XV sècoło, zbandonada l'ìzoła e el convento a cauza de condision anbientałe deventàe romai inospitałi. , cauza ła małaria, da cui el tèrmene dezertada, anca se l'abandon el ga durà soło calche diezena de ani.
L'ìzoła ła ze stà ocupada dai soldài napołeòneghi inte'l 1806 che i ga depredà el monastier e ła cieza dai ornamenti e cauza ła sopresion ła comunità ła gavea dovesto trazlocar inte'l monastier de ła Cieza de San Bonaventura a Venesia. Drioman ła zona ła ze stà adibìa a polvariera dai Austriaghi fin a che inte'l 1858 el teren el ghe stà donà a'l patriarcado de Venesia, che'l ghe ga consentìo ai frari de refondarghe el monastier, oncora a'l dì d'ancùo ativo[1].

In ocazion dei otosento ani da ła venjùa de'l santo santo de Asizi so l'ìzoła e da ła fondasion de'l monastier, A se ga organizàe mostre e intarventi aventi el fin de zmóver l'opinion pùblega revardo a'l mantenjimento dei łoghi sia de preghiera che naturałìsteghi, tra 'st'altri el reportage reałizà da'l report Giorgio Fornoni[2].

Gałarìa de imaxeni canbia

Voxe łigàe canbia

Altri progeti canbia






Controło de autoritàVIAF (EN263715074 · LCCN (ENn81009383 · WorldCat Identities (ENn81-009383
  1. Convento di san Francesco nel Deserto, turismo Venezia. entrada il 9 aprile 2018.
  2. Come in un puzzle ho cominciato a raccogliere immagini, sensazioni, testimonianze, tutto ciò che mi restituisse il senso di questo luogo dove l'uomo si può ritrovare e uscire dalla propria solitudine San Francesco a Venezia, Corriere della Sera. entrada il 4 maggio 2018.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=San_Fransesco_de%27l_Dezerto&oldid=1151886"