Union personałe

Un'union personałe ła ze na rełasion de du o pì entità, considerae stati sovrani separai che, traerso na leje, i spartise ła istesa persona cofà Cao de Stato de anbedó łe nasion. L'union personałe no ła ga da vegner confondesta co na federasion, che ła ze considerada dai altri stati internasionałi cofà stato sìngoło.

Łe union personałi łe połe nàsar par vàrie motivasion, che łe va da ła s-ceta coincidensa (cofà na prinsipesa che, dopo èsarse maridada, ła cronpa un fioło, che el ereditarà łe corone de anbedó i Paezi) a l'anesion virtuałe (inte el cuało un'union personałe ła vien fazesta par inpedir na revolta). Ghe ze anca union personałi sancie par leje (inte łe cuałe łe costitusion dei stati łe delìnea ciaramente ła so futura union) o union no codifegae (inte el cuałp cazo łe połe vegner fasilmente ronpeste).

Ponesto-che i Presidenti de łe repùbleghe i vien de sòłito decidesti intrà i sitadini del stato in cuestion, łe union personałi łe ze cuazi senpre un fenòmano che el intaresa łe monarchie, e talvolta el tèrmano dópia monarchia el ze doparà par inténdar na union personałe de du monarchie. Col declin del nùmaro dei stai goernai da un re inte el XX sècoło, łe union personałi łe ze devegneste bastansa rare. El contesto inte el cuało łe se cata inte el ventunèzemo sècoło el ze el Commonwealth britànego, inte el cuało el Goernatore Zenerałe el ze el rapresentante del Cao de Stato, e el ze nomenà dal Cao del Goerno locałe.

Ghe ze un lìmito miga ben defìnio intrà l'union personałe e ła federasion: de frecuente ła prima ła ze confluia inte ła seconda. In pasà ste union personałi intrà stati łe ze ndae verso na sparision. Intrà łe union stòreghe se połe recordar: i tre regni de Danemarca, Norveja e Svèsia (XIV secoło), el regno de Prùsia e el prinsipà de Neuchâtel (1707-1857), el regno de Połònia e Sasònia (1679-1763), el regno de Danemarca e el Schleswig-Holstein (1460-1863).

Notasion canbia


Altri projeti canbia


Linganbi foresti canbia



Controło de autoritàGND (DE4226744-4
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Union_personałe&oldid=1081488"