Vaporeto
El vaporeto el xe un tipo de nave doperà a Venesia come mexo de strasporto pùblico, par via de ła particołar conformasion de ła sità, che ła ga canałi da navegar al posto de łe strade.
Istoria canbia
_-_n._210_-_Venezia_-_Canal_Grande.jpg)
El primo vaporeto lansà inte ła laguna de Venesia el xe stà el "Regina Margherita", inte el ano 1881, da ła socetà ACTV: el xe stà sto qua el primo mexo de strasporto pùblico a Venesia.[1]
Ancuo squaxi tuti i vaporeti de Venesia i partien a ła socetà a capital pùblico ACTV, che ła gestse el strasporto pùblico de ła sità su aqua come anca su tera, indove el dòpera un grando barcołame che, a parte i vaporeti, el contien anca motoscafi, battei forànei, motonavi e motozàtare.
Caraterìsteghe canbia
Anca se ancuo i sia tuti spinti da motóri diesel, ła xe restada inte el nome l'antiga manièra de dir doperada co oncora i viaxava a vaor.
Mési par ła sità ai prinsipi del Novexento i vaporeti i se caratterixa par èser nave a un soło ponte, verti a prova e co ła cabina de comando catada inte el inte el corpo sentral, in poxision un fià verso prova.
I modełi più antighi i prexentava ła cabina n'atimo più alsada par poder averghe soto łe màchine che łe contegniva łe caldière a vaor e de frecuente łe si prexentava in istà conpletamente verti a prova e a pope; i mexi chei ghe xe in giro ancuo i ga invese na granda cabina a pope par i pasegèri, e anca dei posti al'aria a prova (sta sistemasion, in quałunque modo sia ła cosa, łe xe drio desconparir inte i mexi più moderni).
Inovasion canbia
Inte i ùltimi diéxe ani a Venesia łe xe stae portae nove nave, conosue come Serie 90 che łe crea un menor movimento de aqua. Sta inovasion ła xe stada fata par scansar łe onde che łe rovina ła sità. L'ùnego difeto chei ga sti mexi ła xe ła menor stabiłità rispeto a łe unità vece. Sénpre l'axienda venesiana ła ga in dotasion un'unità ełètrica e ła fa parte de un consorsio, el WHALE, par crear di unità navałi a idrògeno.[2] A ła fin inte łe sistemasion più moderne i ga doperà ła propulsioe azimutal, co un aumento de łe capasità evołutive dei mexi, ma na conseguénte redusion de ła stabiłità de rota.
Caraterìsteghe de ła Serie 90 de ACTV canbia
- Longhesa fora tuto: 23,93 m
- Longhesa infrà łe perpendicołari: 20,90 m
- Larghesa fora osadura: 4,22 m
- Altesa co i ee fa: 1,90 m
- Péxo lordo: 25 000 kg
- Portada pasegèri: 210
- Postasion disàbiłi previste: 6
- Equipagio: 2
- Propulsor: 1 Aifo da 147 kW cołigà a sistema azimutal "Schottel SRP 110"
- Squerariòl: Cantieri De Poli Pełestrina Venesia
- Clase: Stella 100 A.1.1. in navegasion nasional Spesial local limitada a ła laguna vèneta
- Costo unità: 1.100 miłióni
- Ano: 1999/2000
Notasion canbia
- ↑ El vaporeto e l'ACTV
- ↑ El vaporeto a idrògeno Archivià il 15 de lujo 2010 in Internet Archive.
Voxe corełae canbia
Altri progeti canbia
Wikimedia Commons el detien imàjini o altri file so Vaporeto
Cołigamenti da fora canbia
- Sito ufisial ACTV
- Schema del Vaporeto serie 90
- Gilberto Penzo - Barche e navi venesiane - Ła flota venesiana
- Publicasion - Catałogo libri
- Video de YouTube visìbiłi so ła pagina de google
