Voivodato

El tèrmano voivodato o talvolta traduzesto co voivodà (rumen: Voievodat, połaco: Województwo, serbo: Vojvodstvo o Vojvodina) el ze sta el tèrmano doparà par dirghe un'entità stadałe feudałe medioevałe, cofà par ezénpio i ze stai ła Romània, ła Polònia, ła Rùsia e ła Sèrbia (vedi Voivodina), goernà da un voivoda.

Istòrego canbia

El tèrmano voivoda, prima de ła concuista otomana dei Balcani, el zera un tèrmano de orìzene slava che el dezignava in prinsìpio el comandante de un'unità miłitare. El voivodà el zera l'intiero teritòrio sotoponesto a ła so autorità. Co i Otomani el tèrmano el zera pasà guałivamente a vegner doparà in teritori goernai da un esponente cristian ligà a ła Sublime porta, dełegà a ver funsion fiscałi e incargà intrà l'altro de azevołar ła sedentarizasion de łe popołasion nòmade che łe corea el teritòrio da lori aministrà.

Sta roba ła podea èsarghe solché co na granda forsa armada comandada dal Voivoda, in grado de consevensa de mantegnere anca l'órdene pùblego. L'istitusion ła ze sta abołita da l'Inpero otoman inte el corso de l'età de łe reforme (tansimàt), inte el ndar de el XIX secoło. El tèrmano el ze soravivesto in Połònia, andove inte el ndar de ła partision feudałe ognuno dei picenini prinsipai el gaveva el so voivoda e de consevensa, dopo ła reunìfegasion, ndando vanti ciamàndoghe voivodai a sti teritori.

Etemołozia canbia

El tèrmano el devien da ła raiza slava vojn, che ła se dòpara par dirghe a tuto cheło che depende da un ezèrsito o da un'organizasion de tipo bèłego.