Difarense intrà łe version de "RAM"

Eà '''RAM''' xe un tipo de memoria del computer, RAM sta pa i termini inglesi "Random Access Memory", che tradotto vol dire memoria a accesso casuàe, cioè qualsiasi dato che vièn sercà dal computer el vièn restituio dàea memoria in tempo costante, roba che invese no sucede nel caso, pa esempio, de na memoria a accesso sequensiàe, dove che se un dato xe distante dal punto de letura bisogna spetare pì tempo pa poderlo lexare (vedi e vèce cassete, che bisogna parare vànti e indrìo).

Oviamente se eà RAM ritorna i dati tuti più o meno in tel stesso tempo, vol dire che in qualche modo eà ga da tegnère traccia de eà posisiòn, o mejo, del'indirìso che identifica un dato, el che comporta che pa memorixare un dato serve pì spàsio del dato stesso.

Questo rende l'architetura de sto genere de memoria tanto complicà, a livèo progetuàe e, a magior rajon, a livèo [[hardware]].

Co DRAM ("Dinamic Random Access Memory") se intende un tipo de memoria pì lenta ma pì capiente dèa SRAM dato che eà xe fata co 'na tecnologia pì economica.

A parità de silicio usà, eà xe pì capiente dea SRAM e questo xe uno dei motivi par cui eà costa manco.