I ''départements'' francexi, i so nomi e i so confini i'è stè decixi dal governo sentrałe. Al contrario, l'existenzsaexistensa de łe provinçe la vegnea dal ''droit coutumier'' ("[[Dirito consuetudinario]]"), che l'era senplicemente certificà dal stato. Na provinça, anca ciamà ''pays'' ("paexe"), l'era caraterixà da łe łeji che ghe apartegnea. Na stesa provinça la podea conprendar tante altre provinçe. Par exenpio, ła [[Borgogna]] l'era na provinça, ma [[Bresse]] - n'altra provinça - l'era tutavia na parte de ła Borgogna.
Manca quindi na lista ofizsiałeofisiałe de łe provinçe. Ła lista de ''[[généralité]]s'', sudivixioni aministrative del regno, l'è speso prexentà quando se vol stabiłir ła lista de provinçe a ła vigiłia de ła [[Rivołusion francexe]]. Ła lista che apare soto l'è molto più anpia, conprendendo łe provinçe che s'à creà in tel corso de ła storia francexe.