Difarense intrà łe version de "Storia del Mali"

 

==Regno del Ghana==

El regno del Ghana el xera dominà da popoli soninké e el controlava la zona a caval tra Mali e [[Mauritania]]. Le origini del regno le se pol metar verso el V secolo d.C., ma el xe stà solo verso el VIII secolo che el regno del Ghana el xe stà bon de stabilirse come on centro de poter regionale. La cavedal la stava a Kumbi Saleh, al confin co el deserto del Sahara. El regno del Ghana nol se sa convertì a l’Islam, ma el gavea boni raporti co i marcanti arabi. La fine del regno la xe rivà co l’invasion de i [[berberi]] Almoravidi che en tel 1078 i gha caturà la cavedal. Kumbi Saleh la xe poi stà distruta da l’esercito de i sosso en tel 1203. La distrusion del regno la gha portà a l’emigrasion verso el sud de le popolazioni de la region.

 

==Regno del Mali==

El regno del Mali el xera controlà da popolasioni Malinké che le vivea en te l’alto corso del [[Fiume Niger|fiume Niger]] en tel secolo XI. El re Sundiata Keita, del XIII secolo, el gha slargà la zona de influensa fin a rivare al [[Darfur]], en [[Sudan]]. En tel 1325 el regno del Mali controlava [[Tinbuctù]] e Gao. El regno el xe imploso e el xe stà sostituido dal regno del Songhai en tel XV secolo.

 

==Regno del Songhai==

La etnia songhai la xe nata en tel nord de la Nigeria e la se sa spostà longo el fiume Niger verso el secolo VIII fin a rivare a la sità de Gao. I songhai i xe diventà musulmani co l’arivo de i misionari de origine [[berberi|berbera]] e i xe stà dominà dal regno del Mali fin al XIV secolo.

 

 

==Periodo intermedio==

 

Co la fine del regno del Songhai (1591) i regni locali i no xe stà boni de formar ono stato regionale. I bambara i gha formà el so regno co cavedal a Segou. El regno de i bambara el se sa diviso en do, dando vita al regno de Kulibali. Sto regno el xe durà fin al 1861, co i toucouleur i gha conquistà Segou.