Contenuto cancellato Contenuto aggiunto
Riga 82:
:''Chi che va có'l gato 'l inpara a sgnaołar'' :-D A parte i schersi, ocio a copiar ła scritura da altri wikipediani (conprexo mi): se ri·cia de inparar anca i erori... Vara che scuaxi tuti i canbiaminti che go fato su ła pajina de pro/sprotesion (a propoxito: nó ła xe de çerto inutiłe) i go fati parché esendo na pajina "speciałe" (pasame sto termine anca se'l xe wikipedianamente sbałià), secondo mi, ła ga da esar scrita inte na maniera "standard" rispetando na serta uniformità. Me spiego mejo: mentre inte łe pajine utente, de discusion e inte łe voxe ga da esarghe ła conpleta libartà (da cuà in vanti, pa' farla curta, uxarò ''pajine L'' pa' indicar sto grupo de pajine), inte łe pajine da ajuto e del namespace ''wikipedia'' (che ciamarò da cuà in vanti ''pajine S'') cogna 'ver na s·cianta de uniformità pa' nó dixorientar i novi utenti. Par exenpio: i vari ''vuto'', ''puto'' che ghemo visto che i xe na carateristega del basanexe te poi uxarli inte łe ''pajine L'', invese inte łe ''pajine S'' xe da preferir łe forme che uxa praticamente tuto el resto de i parlanti veneto (ti nó preocuparte, scrivi come che te si bituà anca so łe ''pajine S'' che dopo paso mi a standardixarle... nó voria mai che dopo pa' colpa mia nó te si pì bon a scrivar in basanexe...). Xe anca vero però che ghe jera anca calche eroreto (deso pa' ex. me vien inamente ''ło sporteło''... indove ło gheto catà fora 'l articoło ''ło''?). E po visto 'l ultemo spostamento de Joani go canbià tuti i ''richiesta'' (e simiłi) in ''domanda'' o ''dimanda''. Pa' ła cuestion acenti, come che ghe go scrito a Candalua, mi faso senpre un peło de confuxion (difati, forsi, ghi ne meto de manco de cuanti che ghi ne serviria) cuindi nó so el pì adato pa insegnarte, prova magari darghe un ocio a ła GVU (al inisio ghe xe un toco che parla de acenti e apostrofi)...--[[Utente:GatoSelvadego|GatoSelvadego]] 17:35, 28 zen 2011 (CET)
:PS: A propoxito de copiar ła scritura de altri wikipediani... Xonto na robeta su łe prepoxision articołae. Mi forsi so masa estremista a uxar ste forme ''de'l'', ''a'l'' etc (scrivar ''del'', ''al'' etc xe pì elegante), difati su çerte pajine te cati che su na riga go scrito ''del'' e pì vanti magari go scrito ''de'l''... nó che sie 'l masimo de uniformità... De seguro a scrivar ''ała'' (a + ła) se fa confuxion có'l ała (del połastro), stesa roba par: ''ałe'' (a + łe), ''dei'' (de + i, e nó i dei de i pie). Cuindi almanco pa' i articołi ''ła'' (sing. fem), ''łe'' (pl. fem) e ''i'' (pl. mas) saria senpre par scrivarle stacae. Pa' ''el'' (sing. mas) diria che có ''a'', ''da'' e ''de'' se podaria anca scrivarle tacae... Serti i dixe che cognaria scrivar ''che 'l'' (overo "che + el" e nò ''chel'' che vol dir "quel" in serte varianse), ''nó 'l'', ''so 'l'' (e nó ''sol'', che se sconfonde có el sołe de i trevixani), ''inte 'l'' (o ''int' el''), overo i ghe mete el spasio... mi preferiso sensa spasio, tipo ''inte'l'', ''che'l'' etc (pa' na cuestion estetica), ma probabilmente el xe un eror.--[[Utente:GatoSelvadego|GatoSelvadego]] 18:04, 28 zen 2011 (CET)
 
==template:Proteta==
senbra che ghe fusse un eror su [[Modèl:Icona del titoło]]. Lo go modificà ciapando quelo su it.wiki, desso pararìa ch'el vaga ben... anca se no go ben capìo el parché! ;-) se te cati altre magagne dime pure! ciao [[Utente:Candalua|Candalua]] 19:06, 28 zen 2011 (CET)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/wiki/Discusion_Utensa:Frigotoni"