Difarense intrà łe version de "Vałuta"

Ła '''vałuta''' ła xe na unità de scanbio che ła gà el scopo de rendar piesè faciłe el trasferimento de beni e servisi. De sołito ła asume forma de moneda.

 

Normalmente na vałuta ła vien emesa da na nasion o un grupo de nasion (come con l'[[euro]] o el [[dołaro]]) per lo più tramite ła propria banca çentral in regime de monopolio. In çerti stati ghe xe più de un istituto de emision.

El steso nome el pol èser doparà par più de na moneda (tipo el dołaro, che gh'è quel canadexe e quel [[dołaro statunitènse|statunitense]]), opure ła stesa valuta ła pol vegner doparà da tante nasioni (tipo l'euro), o ancora na nasion ła pol dichiarar a ''corso legale'' ła valuta de un altro paexe.

Ogni valuta tipicamente ła gà i so multipli e sotomultipli, de sołito i centeximi. In vèneto a se dixe '''Schei''' parchè squaxi doxento ani fa i striaci i gavea introduesto dee monede intel ''[[Lonbardo-Veneto]]'' che se ciamava '''Scheidemunze'''. In [[todesco]] scheidemuenze a vol dir monedete, 4 franchi. Da ''Scheiden'': spartir, divìdar e ''Munze'': moneda. I vèneti i ga tolto el nome striaco e i pronunsiava sol che ła prima parte de sta paroła.

I schei i xe stà introdoti daspò de ła fine de el stato vèneto, [[1797]], e donca i ga sostituìo el ''[[zechin]]'', el '''sixin''', el '''soldo''' e ła ''lira vèneta''.