Difarense intrà łe version de "Dante Alighieri"

'''Dante Alighieri''' ([[Firense]], [[1265]] – [[Ravena]], [[13 de setenbre]] [[1321]]) el xe stà un poeta, scritor e połitico [[itałia]]n. El xe ritegnùo el primo e pi grande poeta de ła [[lengoa itałiana]] e par questo el xe ciamà "el sommo poeta", o "el vate" (che vorìa dir "el profeta"). Per aver tegnù a bateximo l'utiłizo leterario de ła lengoa volgare el vien anca considerà el Pare de ła lengoa itałiana. Ła so opera prinçipałe, ła [[Divina Comedia]], ła xe el poema piesè inportante de tuta ła leteratura itałiana e ła xe considerà uno dei capolaori de ła leteratura mondiałe.

Dante Alighieri eł xe nato a Firense in 1265. Ła so vita ła xe sta par molti versi tormentà: dopo ver ricoperto per alcuni ani varie cariche połitiche a [[Firense]] stando da ła parte dei Guelfi Bianchi, nel [[1301]] el xe finìo in exiłio quando el partito dei Guelfi Neri al gà ciapà in man coła forsa el goerno de ła çità e el gà parà via tuti i Bianchi. Dante ałora el gà tacà samar par varie çità del Nord Itałia, tra cui [[Verona]] dove el xe stà ospite prima de [[Bartolomeo della Scala]] e dopo de [[Cangrande I]]. Nel [[1321]] el xe morto a Ravena, sensa ver mai podùo rivedar ła so Firense.