Difarense intrà łe version de "Harare"

En tel 1890, Cecil Rhodes – on inglexe che gavea forti interesi economici in Africa australe, el gha organizà on grupo de mercenari par conquistar el controlo de le tere a nord de el Sudafrica. Rhodes gha fondà on fortin che el gha ciamà Salisbury in onor de el primo monistro inglexe Robert Arthur Talbot Gascoyne-Cecil, III Marchese di Salisbury. Salisbury la xe diventà na sità e la cavedal de la federasion de la Rhodesia (ancò Zimbabwe) e del Nyasaland.
===Harare===
El nome de la cavedal el xe stà cambià el 18 aprile 1982, secondo aniversaro de l’indipendensa de el Zimbabwe. Harare el vien da la lengoa shona e el ricorda el capo Neharawa, che gavea combatù contro Rhodes.

En tel magio 2005, durante el fredo inverno de el Zimbabwe, el ditator Robert Mugabe el gha ordinà la distrusion de le baracopoli (''"Operation Murambatsvina"''). Oficialmente el presidente volea parar via i sensa laoro che alimentava la criminalità ne la cavedal. En realtà, el volea parar via quei che gha votà contro de lu. Tanti abitanti de le baracopoli i laora, ma no pol permetarse na casa normale par via de i costi e de l’inflasion (8.000% a novembre 2007).