Difarense intrà łe version de "Amsterdam"

'''Amsterdam''' la xe la [[Cavedal (sità)|cavedal]] e la sità pi granda dei [[Paexi Basi]], inte la provinsia de l'[[Ołanda Setentrionałe]]. El [[Amsterdam (comune)|comun de Amsterdam]] el ga 739.295 residenti (al [[1 de genaro]] [[2005]]) de oltra 170 nasaionaità, invesse la popolassion che la sta inte l'àrea metropoitana la conta serca 1.450.000 persone.

 

Dal momento che la sede istitussional del goerno la xe situà a [[L'Aja]], tante volte sta ùltima la vien confusa co la cavedal, che invesse la xe Amsterdam. I Paesi Bassi i xe uno dei pochi stati onde che el sentro goernatìo no'l coinside co la cavedal.

 

La sità la xe ministrada no solo dal sìndego e dal consejo comunal sentral, ma la xe anca devidesta in difarente parte sitadine/sircoscrission (''Stadselen''), che la ga i so conseji. Tute le dessision locae le xe ciapae da sti conseji sircoscrissionai e solo le pi inportante dessision infrastruturae e xe deegae a la ministrassion prinsipal. Oltra al sentro de la sità, la munissipaità la ciapa rento le sevente sircoscrission: Amsterdam Noord, Amsterdam Oud Zuid, Bos en Lommer, De Baarsjes, Geuzenveld/Slotermeer, Oost/Watergraafsmeer, Osdorp, Oud-West, Slotervaart, Westerpark, Westpoort, Zeeburg, Zuideramstel, Zuidoost (incluso Bijlmer).

''Amsterdam Noord'' la xe separada dal resto de la sità da la via d'aqua, el Canal del Mare del Nord.

Amsterdam la ga uno dei majori sentri rinasimentali de tuta l'Europa. Numerose costrussion che risale al periodo tra el [[XVI secolo|XVI]] e [[XVII secolo]], conossiùo anca come Età de l'Oro, le xe desso considerade monumenti storici e le se cata intorno a na serie de canài semisircolari.

Sti qua i ciapa rento el porto vecio che na olta el gera facià sul [[Zuiderzee]], ancuò separado dal resto del mar verto e ciamà col nome de [[IJsselmeer]] o lago IJssel. La sità la xe famosa parché la ospita el [[Rijksmuseum de Amsterdam|Rijksmuseum]] (museo reàl), el [[Vincent Van Gogh|Van Gogh]] Museum, la [[Concertgebouw]], el [[Rembrandt]] House Museum, la casa de [[Anna Frank]], el monumento a la memoria dei [[omosessualità|omosessuali]] copài in tei canpi de sterminio [[nazismo|nazisti]] ed un enorme nùmaro de [[bicicleta|bisiclete]].

Amsterdam la xe anca famosa par el so [[quartier a luci rosse]], ''de Wallen'', ed i so numerosi ''[[coffee-shop|coffee shops]]'' autorizadi a véndar la cannabis e i derivadi de la [[marijuana]]. La [[prostitussion]] la xe legal nei [[Paesi Bassi]]. Chi che la esèrsita xe considerà un lìbaro professionista e el xe tassà come qualsiasi altro inprenditor. La [[cannabis]] invesse no la xe legal, ma solo tolerada; questo vol dir che la vendita de na quantità inferior ai 5 grami par cliente e el possesso de quantità fin a 30 grami no le xe perseguìe da la lege.