Difarense intrà łe version de "Eraclea"

'''Eraclea''' el xé un comùn de 12.695 'nte ła [[Provincia de Venesia]] su quel golfo chel ciàpa el nome da ła [[Venesia|serenisima çità]]. Fin al [[4 de novenbre]] [[1950]] ła se ciamava '''Grisołera''' (col decreto n. 1061 del Presidente de ła [[Itałia|Republica Italiana]] Luigi Einaudi, ma su na idea del sindaco de quea volta Guerrino Burato e del segretario comunàl Aldo Tassoni, el nome del comun el vegne cambià en Eraclea; el consejo comunàl el gavéa sielto el nome de ła antiga çità che gavéa dà orìxene a [[Venesia]], e che a se trovea al confìn del teritorio del comun vixìn a ła łocaledà de Çitanova, 'nte ła diresiòn de [[San Donà de Piave]].

 

El nùcleo stórego de ła sitadina [[Baso medioevo|baso medievałe]], del qual deso tutavia no ghe xé restà gnente, sel xé formà co ła fuga verso ła sicuresa de ła łaguna de łe popołazion romane che łe veniva da łe sitadine de [[Oderso]] (''Opitergium'') e [[Concordia Sagitaria]] sachezae dai [[bàrbari]].

El primo nome de ła sità baso medievałe el xé stà ''Melidissa'', dal greco ''meliedes'', "posto mejor". L' insediamento primo uman el ga vuo infati drento łe łagune che łe se catava łóngo tuto l'arco del'alto [[mar Adriàtico|adriàtico]], a ciapar dal [[Po]] fin al [[Tajamento]]. El mar el gera sevarà dal bazin lagunar da un cordon łitoraneo sabioxo 'ntervałato da łe fusi dei vari fiumi el delta dei quałi el verxeva drento łe stese łagune. I primi abitanti de queła che ła xé diventà en breve ła pì granda de łe sità romane che ghe gera łóngo ła [[via Annia]] i gera 'ndai qui par scapar da łe distrusioni cauxae da łe invaxioni de popołasioni barbàreghe che taca 'ntel [[VI secolo|VI sècoło]] fin a có taca el [[VII secoło|VII]]. Ła majoransa de łori venìa propio da [[Oderso|Opitergium]], mentre altri da [[Altinum|Altin]], [[Concordia Sagitaria]] e [[Aquiłeja]].

'Ntel [[697]] ghe ga ciapà sede el ''[[duca|dux]]'' bixantin de ła ''[[Venetia maritima|Venesia]]'', figura dal qual vegnarà fora dopo el [[Doxe]] de ła Serenìsima. El roło de cavedal ducałe el xé stà però perduo contexo dal [[742]] da ''[[Malamocco|Metamauco]]'' e da ła nemiga [[Gèxoło|Equilo]], fin a che 'ntel'[[804]] ła sità vła xé stà butà xó. Fra le soe rovine ła xé nada ła ''Civitas Nova Heracliana'' nome che vive anca deso 'ntel'omònema locałedà.

 

[[File:Campagna-eraclea-22-giugno-2008.jpg|thumb|230px|left|A campagna de Eraclea]]

Grixołera (l'atuałe Eraclea) ła xé nada sirca 'nte ła metà del [[XVII secoło|XVII sècoło]] dopo ła sanguinoxa [[guera de Candia]]. Ła locałedà ła gera ciamada "Ła Grixołera" parché sircondà da [[pałù]] e [[Phragmites australis|cane de pałù]] ciamae justo "grixiołe" par el cołor grizo del penacio. El teritorio el se cata fra l'ùltemo trà del fiume [[Piave]] e quel del fiume [[Łivensa]] en un'àrea che fin ai [[ani 1930]] ła gera quaxi spopołada par no soło el teritorio de pałù, ma anca de ła [[małaria]] endèmega. Basta ricordar che, fin all'inisio del'òpara de asiugamento de łe pałù, l'82% del teritorio comunałe el gera ocupà da speci de aqua, canałi, canedi e pałù.

St'ultimi i gaveva el dover de rinforsare i rialsi sabioxi prexervàndołi dall'[[eroxion]] del vento e de łe marezade.

 

{{ComuniAmministrazione

|NomeSindaco=Graziano Teso

}}

 

{{Demografia/Eraclea}}

 

 

 

<references />

{{references}}

 

* [http://www.eracleamare.it El portal turistego de ła localedà de Eracleamare]

* [http://www.eraclea.us El portal coe pension e le casete da vacansa de Eracleamare]