Difarense intrà łe version de "Wikipedia:Ciàcołe"

Contenuto cancellato Contenuto aggiunto
Riga 525:
::Sì, ma comunque anca la tradussion italiana la ghe vole, no la sarìa par gnente inutile. Cossa vol dire che no i xe in GVU? Intanto no xe del tuto vero, la GVU la xe anpiamente conpatibile con la grafia "storica" del venessian. E un disionario el ga comunque da registrar tute le parole, conprese le grafie alternative. Inoltre, roba più inportante, se ghe guadagnarìa assè come autorevolezza, conpletezza e afidabilità, tri robe che xe fadiga rivarghe con una comunità picenina come la nostra. La me idea sarìa che su ogni pagina ghe sia un riquadro con la definision tolta pari pari da sto vecio disionario, che sarìa anca interessante come curiosità storica, e dopo el resto de la pagina el sarà fato dai utenti come de consueto, ma avendoghe soto ocio la definision del riquadro sarà più facile scrivar la definision veneta e catar fora sinonimi, contrari ecc. [[Utente:Candalua|Candalua]] 12:36, 20 set 2011 (CEST)
:::Ła tradusion itałiana ła va infondo soto tradusion, insieme co chealtre tradusion, e se traduxe soło che ła paroła e no ła definision. El Boerio no'l xe conpatibiłe co ła GVU (vedi SCHI). Pa' łe grafie alternative mi pensavo a un modèl drento la voxe che łe elenche (se no ne toca far na voxe par grafia). Pa'l resto OK.--[[Utente:GatoSelvadego|GatoSelvadego]] 13:54, 20 set 2011 (CEST)
::::E dove xe el problema? Se sul disionario xe registrà "SCHIOPAR: scoppiare", intanto gavaresene la pagina e la definision italiana, e xe un punto de partensa; dopo se fa senpre in tenpo a spostar la voce a "s-ciopar", zontar la definision veneta e così via. Me par che la definision italiana te la ritegni un "de più" quasi inutile; ma, oltre a darghe un riferimento autorevole ai letori, vien anca comodo verghela sotoman par conpilar el resto de la pagina. Certo però che se tachemo za a far le pìtime, che la tradussion la va in fondo e no de sora, e che certe parole no le xe in GVU... a go paura che no 'ndemo mia tanto distante. Comunque parlemoghene anca su [[incubator:Incubator:Community_Portal#digitalizing_an_old_dictionary|Incubator]], così vedemo anca lori se i ne dà qualche consiglio. [[Utente:Candalua|Candalua]] 16:19, 20 set 2011 (CEST)
 
== Ghe xé na roba... ==
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/wiki/Wikipedia:Ciàcołe"