Verxi el menu prinsipałe

Canbiamenti

1 628 byte xontai ,  8 anni fa
primi tochi de storia
La Dalmazia la òspita la Cadena de le [[Alpi Dinàriche]]. I fiumi più longhi i xe [[Zermagna]], [[Cherca]], [[Cetina]] e [[Narénta]].
 
A causa del modo in tel qual le scor le corénti marine e a come che i vénti i supia sul [[Mar Adriàtico]], l'aqua de mar la xé più néta che su la costa [[Itałia|italiàna]] e sto fato qua, insiéme al'enorme nùmero de spiage, ìsole, canai, el fa la Dalmazia particolarmente atrativa parper le regade e'l turismo nàutico in zeneral, quindi ghe xe un bon nùmero de porti turìstizi.
 
== Storia ==
El nome de la Dalmazia el vien fora da la località de ''Delminium'', forsi un comun de l'Erzegòvina de ogi, zéntro prinzipal, aponto, de la popolazion dei Dàlmati. Quest'àrea la faséva parte de la region ciamada [[Iliria]], conquistada dai Romani, guidai dal cònsole [[Lucio Cecilio Metello]], in tel [[118 a.C.]]. La provincia de ''Dalmatia'' la xe nassuda in tel [[33 a.C.]]. La ga avudo un rolo fondamental inte la storia del'[[Inpero Roman]]: infati da qua i rivava i cusì ciamadi inperadori ilìrizi ([[268]]-[[285]]) e, oltratuto, Spàlato la òspita l'inportante palazo de [[Dioclezian]], finido in tel [[305]]. L'ùltimo toco del'[[Inpero Roman de Osidente|Inpero Roman de Ozidénte]] el xe stà la Dalmazia, conquistada dai [[Èruli]] in tel [[482]].
 
El controlo del'[[inpero bizantin]], almanco formalmente, el xe durà dal [[535]] al [[1186]], anca se in mezo ghe xe stade le invasion dei [[Schiavoni]], che i ga costituido regni indipendénti. Xa in tel [[1000]] el dose venezian [[Piero Orseolo]] el gaveva ciolto el controlo de la parte costiera de questa region ma sto qua no'l jera gnénte de definitivo: ghe saria vosudi almanco quatro sècoli a la [[Serenìsima]] per gaver pien possesso de la Dalmazia. Le fase più inportanti le xe stade la conquista de Zara del [[1202]], el passajo tenporàneo al'[[Ongaria]] in tel [[1358]] e a la fin la definitiva presa de poder de Venezia in tel [[1420]]. I posediménti veneziani i se slongava bastanza ben indrénto e i confinava co la [[Repùblica de Raguxa|Repùblica de Ragusa]], nassuda col passajo parzial de la region al regno ongaréxe.
 
== Bibliografia ==
2 624

contributi