Difarense intrà łe version de "Storia de l'Eritrea"

La '''Storia de l’Eritrea''' la xe ona de le pi longhe del continente. La region che ciamemo [[Eritrea]] la se snoda longo la costa sud-ovest del [[Mar Roso]], da qual el tol el nome (en greco Ερυθραία, roso) e la continua verso i altipiani etiopici del Tigré.

 

I paleontologi i gha fato ricatamenti importanti en Eritrea che i atesta la presensa de ominidi za on milion de ani fa, e de homo sapiens de 125 000 ani fa. Da l’Eritrea pasava ona de le vie utilixà da l’omo preistorico par espandarse fora da l’Africa. Strumenti de piera e de osidiana i se cata ne la baia de Zula e rente de Masaua. Nel sentro e en tel nord del paexe se cata de le piture rupestri de l’era mesolitica.

 

Ntorno al 3.500 a.C., grupi umani che vivea en Eritrea i gha costruio picole sità che le vien ciamà cultura de Gash. I resti de sto tempo i xe simili a quei catà anca en te la val de [[Nilo]] e in [[Nubia]]. Documenti egizi del XXV secolo i se riferise a sta region co el nome de Punt o de Ta Natjeru – la tera de i dei. En tel XV secolo la faraone dona Hatshepsut la gha mandà na spedision en Eritrea par conosar el posto da doe el incenso e la mira i rivava fin a l’[[Storia de l'Egito]].

 

[[File:HawultiLittman.jpeg|thumb|250px|La stele de Matara, catada da na spedisione todesca en tel [[1913]] de la siviltà axumita]]

El regno de Aksum el gha perso el control de l’area verso el X secolo soto l’influensa de l’Islam.

 

Co la forsa de Aksum la xe finia, la region la se sa diviso longo linee tribali. Al nord, i Beja, on popolo de origine kushitica, el gha fondà sinque regni - ''Naqis'', ''Baqlin'', ''Bazin'', ''Jarin'' e ''Qata'' – islamici. I Beja i no xe stà boni de impor la so lengoa, e la zente la gha continuà a usar el ge’ez, da do se sa svilupà la lengoa tigrina de ancò.

 

En tel sud, le etnie afar e saho i gha mantegnù na forte division tribale fin al XVI secolo, co i se sa unio par formar el sultananto de Adal, che el prendea rentro anca el nord de la [[Storia de la Somalia|Somalia]] e [[Storia de Gibuti|Gibuti]].

 

Dal XVI secolo, el nord el xe finio soto el control otoman co cavedal a Masaua. Soliman el Magnifico el gha conquistà la sità de Masaua en tel 1577 e scominsià la costrusion de novi quartieri. I otomani i xe rimasti a Masaua par tre secoli e i gha pasà el control de la region a i egisiani, che i lo gha perso co l’arivo de i italiani.

 

[[File:Africa Orientale Italiana.gif|thumb|250px|Mapa de le colonie italiane nel Corno d’Africa]]

Giuseppe Sapeto, prete catolego, el gha comprà la baia de Assab dal sultan de Afar en tel 1869. La baia la xera par el armatore genovexe Raffaele Rubattino. L’Italia la volea verghe de le colonie en Africa e sopratuto longa la costa che la stava diventando la pi importante par el trafico maritimo, co l’apertura del Canale de Suez. I italiani i gha scominsià n’opera de conquista longo la costa a nord, parando via i egisiani, e verso l’interno, scontrandose co l’imperator Yohannes IV. El 1 genaro 1890 la colonia la xera tuta en man italiana co el nome de Eritrea.

L’Italia la xe rimasta en Eritrea fin al 1941. Dopo la guera, l’Eritrea la xe stà mesa en una federasion co l’Etiopia. Ma l’imperatore Haile Selasie, en tel 1961, el gha dichiarà l’Eritrea na provincia etiopica e ridoto la so autonomia.

 

Dopo l’anexion de fato da parte de l’Etiopia, i eritrei i gha organisà el movimento de indipendensa. El Fronte de Libarasion Eritreo el gha scominsià a contrastar el potere etiopico. En tel 1970, on nomvo movimento, el Fronte de Libarasion del Popolo Eritreo el gha tolto el sopravento politico e militare.