Difarense intrà łe version de "Storia del Burundi"

p
Robot: Modifeghe esteteghe
p (Bot: Migrating 16 interwiki links, now provided by Wikidata on d:q852253 (translate me))
p (Robot: Modifeghe esteteghe)
 
 
== Preistoria ==
Anca se no ghe ricatamenti paleontologici de rilievo, se sa che i primi abitanti del Burundi i xera [[pigmei]], i twa, che anca ancò i se cata en tel Burundi. A scominsiar dal secolo VII de la nostra era, grupi de [[bantu]] i xe entradi en tel paexe e i gha formàna siviltà agricoła. Altri grupi bantu i xe rivà a ondate en te i secołi sucesivi e i gha portà ła [[metałurgia]]. I bantu i gha dato vita a el popolo [[hutu]]. I primi segni de prexensa [[tutsi]] i xe del XV sècoło.
 
=== Problema de łe etnie ===
Ła società burundexe ła xe divisa tra hutu e tutsi, i twa i xe na minoransa picinina. I cołonialisti i gha sostegnù ła teoria de do popołi de origine diversa, una supariore e l’altra inferiore. Sto schema el se spoxava ben co ła teoria che divideva i grupi umani so na scała de vałori dal baso a l’alto, e che ła giustifegava el predominio de i bianchi so i neri. Secondo sta teoria, i tutsi i xe de origine hamitica, e quindi pi nobiłe de i bantu. I sarea vegnù zo da i altipiani [[Etiopia|etiopici]]. Altri i dixe che i tutsi i vien dal sud.
 
I ricercatori moderni i xe contrari a vedar in Hutu e Tutsi do grupi etnici geneticamente diversi. Tanti fatori i fa pensar a on solo grupo che el se sa diviso longo tradisioni economiche e sociali. I Hutu i xe [[agricoltura|agricoltori]] e i Tutsti alevatori. Le diferense fìsiche le se pol spiegar co la dieta e tipo de laoro. Tuti e do i parla el kinyarwanda, on fato difìsiłe da spiegar se i do grupi i gavese veramente na orìxene difarente. El saria el primo caxo de na clase dominante che tol ła łéngoa de ła clase inferior. Altro fato che fa pensar a n’origine comune xe l’importansa che tuti e do i ghe da a l’alevamento. La verità la xe che la majoria de le persone le xe uguali e se pol saver l’etnia soło dai nomi. Sicuramente nel pasà grupi [[nilotici]] i xe rivà qûi dal nord, ma no ghe segni stòreghi de na migrasion hamitica traverso el Kenya. Anca i grupi nilotici i xera picinini e no gha łasià trace significative.
 
== Storia moderna ==
Verso el XVI sècoło, un dei regni bantu catà a est el ga scominsià a inglobare i altri grupi. El periodo de pi granda espansion el xe queło del re Ntare Rugama ([[1796]] – [[1850]]) che el xe stà bon de conquistar tuto el Burundi e de farghe presion al regno del [[Ruanda]]. El re, Mwami, el xera a capo de i nobili. Le tere le xera quasi tute de i nobili e la zente la dovea pagar de i tributi.
 
En tel [[1899]] i [[Germania|todeschi]] i xe rivà en Burundi e lo gha tolto come colonia de l’Africa Orientale Todesca. I re burundexi i gha resistio la penetrasion todesca e l’arivo de misionari. I todeschi i gha risposto co la violensa, e i xe riusidi a controlar el re solo co le armi.
 
== Cołoniałismo ==
I todeschi i no xe mai riusidi a controlar propiamente el Burundi. A lo steso tempo, i ga portà małatie sconosiude a ła popolasion locale che le gha decimà la popolasione umana e animale (epidemie del [[1914]], [[1922]], [[1944]]). Tra el [[1905]] e el 1914, metà de la popolasion de i pianori ocidentali la xe morta de malatie foreste.
Durante la Grande Guera, i belgi i gha invaso el Burundi e dopo la fin del conflito i sa tegnudi la colonia. I belgi i gha subito apogià i nobili tutsi e afidà a lori l’aministrasion de la colonia. Dopo la seconda guera mondiale, el Belgio el gha parmeso la creasion de partiti politeghi. Do le xe stà importanti par la vita del paexe:
En tel periodo de preparasion a l’indipendensa, el principe ereditario Rwagasore el xe stà asasinà. A le ełesion aministrative del 1961, ła reasion popołare la gha dà ła vitoria a l'UPRONA.
 
== Indipendensa ==
[[File:Pierre Nkurunziza.jpeg|thumb|Pierre Nkurunziza]]
El Burundi el xe diventà indipendente el [[1° de lujo]] [[1962]]. El re Mwambutsa IV el gha sercà de darghe n’equilibrio a la tension tra Tutsi e Hutu formando na monarchia costitusionale. En tel [[1965]], el primo ministro, un Hutu, el xe stà copà, provocando somose popolari de sostegno ai Hutu. En tel [[1966]], el re Mwabutsa V el xe stà deposto da so fiol Ntare V, a so olta deposto dal so primo ministro, Michel Micombero. Micombero el gha abolio la monarchia e promoso la [[republica|repùblica]]. De fato, el xe diventà on ditator che el gha sofià sora i confliti etnici de i ani sesanta.
53 829

contributi

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/wiki/Speciale:DiffMobile/543002"