Na '''divinità''', o '''esare divin''', ła xe 'na entità con carateristiche divine. Quando el termine el vien doparà par riferirse a on singoło esare supremo, el ciapa ł'articoło determinativo e ła maiuscoła: '''ła Divinità'''. Anca se el termine «divinità» el vien talvolta doparà semplicemente cofà sinonimo de [[dio]],<REFref>Se veda par exempio [http://www.stavacademy.co.uk/mimir/greatstag.htm ''The Great Stag: A Sumerian Divinity''] de Bobula Ida (''Yearbook of Ancient and Medieval History'' [[1953]])</REFref> el vien doparà anca par indicare tipi de entità dełe [[rełijon abramitica|rełijon non-abramitiche]] che łe casca tra ła sołita nosion de «dio» e queła de «santo». Par exempio, a ghe xe dełe corenti del [[budhismo]] che łe prevede ła venerasion de esari che no i xe umani, e che i ga on status soranaturałe e 'na inportansa rełijoxa, ma che no i casca naturalmente soto el conceto de dio.<REFref>[http://www.imagesonline.bl.uk/britishlibrary/controller/subjectidsearch?id=10468&&idx=1&startid=13805 ''Imagine de 'na divinità budhista''] dalla [[British Library]]</REFref>
Similarmente, alcune società łe ga considerà i so governanti umani come divinità (ojeto de venerasion, e co on status sorauman), ma i ga atentamente distinti dai dèi e dèe del so [[pantheon]] rełijoxo.<REFref>Questo el xe talvolta on argomento controverxo, comunque se veda [http://www.bbc.co.uk/religion/religions/shinto/features/emperor/index.shtml], par exenpio, par ło status de ł'inperador del [[Giapòn]].</REFref>
== Ła divinità come proprietà ==
Ła '''divinità''' ła xe anca ła natura de on dio, o ło status de ł'esare 'na tałe entità. Par questo a ghe xe tanto dibatito nte ła [[teołogia]] [[cristianèximo|cristiana]] sirca ła divinità de [[Jesu|Gesù]] — ła so natura e ła rełasion co ła divinità deła [[trinità]].<REFref>Se veda par exenpio [http://www.users.globalnet.co.uk/~emcd/index20.htm ''The Divinity of Alpha's Jesus''] de Peterson & McDonald (''Media Spotlight'' 25:4, 2002)</REFref> In alcune teorie rełigioxe, in particołare quełe asocià al [[panteismo]] e al pensiero [[New Age]], tuti i esari umani i ga 'na divinità, che ła deve esare tirà fora tramite meditasion, studio, uso de droghe, conportamento coreto, ecc.<REFref>Se veda a exenpio [http://www.allspirit.co.uk/awakeningsigns.html ''Twelve Signs of Your Awakening Divinity''] de Geoffrey Hoppe e Tobias</REFref>