Difarense intrà łe version de "Carneval"

 

== Carnevałi magiori ==

* El [[Carneval de Venesia]] el vien mensionà per ła prima volta 'nte un documento del doxe [[Vidal Falier]], 'ntel [[1054]]. Łe màscare, spece quełe de ła [[Comedia del'arte]], łe ga na funsion fondamental in sta festa e łe xe i sói sìnbołi. In orìxene, ste qua łe gaveva ła funsion de covrir ła propia identità (per sligarse da łe łigadure sociałi), ma deso łe xé soło decorative e dónca łe resta bełe e rafinae. Ła festa del carneval ła xé 'ndada vanti per tuto el ténpo de ła [[Republica de Venesia|Serenìsima]] e có el xé rivà [[Napoleon Bonaparte|Napoleon]] łe xé stae fermae, col'ecesion de quełe de [[Buran]] e [[Muran]], naturalmente manco inportanti. 'Ntel corso del [[XX secoło|XX sècoło]] el carneval el gà tolto nova vità e'l xé cresuo conpagno al turismo. Łe feste łe xé manco łonghe, ma più consentrae de na volta; ghe xé in ogni modo paréci evénti pùblisi 'ntei [[canpo (Venesia)|canpi]] e i existe anca i veci bałi de łe nòbiłi famege venesiani, 'ntei grandi pałasi, indove se cata l'atmosfera antiga. Ła ''festa de łe Marie'' ła xé n'inportante corteo che'l va da ła [[Baxéłega de San Piero de Casteło|baxéłega de San Piero]] de [[Casteło (sestièr)|Casteło]] a [[Piasa San Marco]] de dódexe de łe più bełe toxe del łógo: có łe riva ła più beła ła vien premiada co miga pochi schei. El ''voło del'ànxoło'', che ancuo el vien fato de doménega, el xé stà canbià 'ntel [[2001]]: prima vegniva xó dal [[Canpanièl de San Marco]], łóngo na corda metàłica, na [[colonp|cołonba]] mecànega, ancuo na toxa. Ła cołonba ła mołava su ła piasa un bel fià de [[coriàndoło|coriàndołi]] e [[confeto|confeti]].