Difarense intrà łe version de "Càncaro"

[Version verifegà][Revixion njiancora controłà]
Contenuto cancellato Contenuto aggiunto
categoria
faxémola più bela
Riga 1:
{{padovan}}
[[File:Breast cancer.JPG|miniatura|destra|320 px|Toco operatorio de un [[carcinoma mamario]], se vede la massa de color bianco che la resalta in confronto al grasso del tessudo de sostegno del'òrgano. I contorni iregolari e ramifegadi, segno de invasion logale, i spiega l'orìsene de la parola stessa ''càncaro'' ]]
La parola '''càncaro''' (anca dito '''cànchero''', '''cancro'''), in [[medicina]] e [[biologia]], la vien doparada par sinònimo de ''[[neoplasia]] maligna''. Se intende cussì n'insieme de malatie anca molto difarenti una da st'altra, che le ga in comune el fato de èssare caraterizade dalla créssita, nei [[tesùo|tessudi]] dell'organismo e dei òrgani che i costituisse, de masse de sèlule col fenotipo (aspeto e comportamento) più o manco distante da quelo che vien recognossudo normale intel contesto, in conseguensa de cambiamenti a livelo de la so genètica e del'ambiente che, a vari liveli, ghe sta intorno. L'alterassion struturale e funsionale no la xe bastansa par ciamare una neoplasia come maligna: ogni càncaro par definission, necessaria pa la so diàgnosi mèdega, prevede i fenòmeni del'invasion e de la metàstasi, che i porta le [[celula|sèlule]] alterade a colonizare, da la sede de partensa, tessudi e [[òrgano|òrgani]] respetivamente visini e distanti. La parola ''tumor'' no la xe sinònimo de càncaro, ma la se riferisse a quele neoplasie, benigne o maligne, de caraterìstega sòlida, escludendo cussì le malatie proliferative del sangue e dei tessudi afini.
 
La malatia, se no la vien diagnosticada quando che la xe de dimension ridote e curada tei tempi e mejo modi (sempre che sia possìbile), la ga n'andamento crònico e ireversìbile, portando con vari mecanismi a morte el passiente che la svilupa. El càncaro, dopo le malatie cardiovascolari, xe ancó la seconda causa de morte in tei paesi sviluppadi; la so incidensa la xe in aumento par via del'inveciamento de la popolassion anca se le strategie de prevension le ga contribuio a contegnere in parte questa statìstega. Infati el major nùmaro de diàgnosi le capita in te le fasse tardo-adulte e ansiane de età, anca se xe possibili forme anca in tei zóveni e in tei putei, coi vari tipi de càncaro che i se distribuisse in maniere particolari con preferense no solo par le età, ma anca par la presensa de fatori che i favorisse lo svilupo de un o più tipi de neoplasia.
 
[[File:Cancer smoking lung cancer correlation from NIH.svg|miniatura|destra|320 px|Curve che le mete a paragon el ndamento in tel tempo de la difusion del fumo in te la popolassion generale e l'incidensa de càncaro al polmon. L'associasson xe cussì evidente e streta che ormai nissun ga el corajo de negare al fumo la responsabilità dei casi de sto tipo de malatia.]]
Questi fatori, diti de ris-cio o de protession, a seconda che i vaga a aumentare o deminuire la probabilità de formare una o più neoplasie, i no xe solo rapresentadi dal'età e i se destingue in:
*genètissi: da la famejarità (più casi de càncaro in fameja, secondo criteri stabilidi) a l'ereditarietà (de un sìngolo gene, che mutà e trasmesso par lìnea germinale, detèrmena la formassion de càncheri a trasmission mendeliana)
*ambientali: de infinidi tipi, el più cognossudo xe el fumo de [[sigareta]] che favorisse molti tipi de càncaro al polmon e gnanca solo; altri i poe èssare el magnare scoreto, l'obesità, alcune particolari [[infession]], ecc.
 
[[File:Clear cell renal cell carcinoma intermed mag.jpg|320px|miniatura|destra|Vision al microscopio òtico de un toco de [[carcinoma renale]], del'istotipo dito ''a sèlule ciare''. Xe visìbile la difarensa col normale epitelio del'òrgano e la presensa de sèlule che le bandona, come da definission, el compartimento dove normalmente le se cata. La vision istològica, da parte de un dotor [[Anatomia patològica|anatomopatòlogo]], de tuto o un toco de massa cancarosa xe el riferimento de diàgnosi (''gold standard'') par squasi tute le neoplasie.]]
Va sotolineà che la squasi totalità de le neoplasie xe associada ai fatori de ris-cio in tèrmeni de ''probabilità'' e el nesso de ''causa'' spesso xe débole. A parte qualche caso spessìfego, xe difìssile dire che un fator da solo xe la causa de na qualche forma de càncaro. L'esenpio del fumo col [[carcinoma polmonare]] el juta a capire sto conceto: anca se se poe par serto dire che le sigarete le sia una causa de queste forme de neoplasia, al ponto che intorno al 90% dei càncari primitivi del polmon i capita in tei fumatori, resta senpre quela menoransa che ghe vien la malatia sensa gaver fumà, almanco bastansa a quele quantità che le vien recognossude come ris-ciose. Par molte neoplasie, alle cognossense de ancó, podemo donca listare fatori de ris-cio e protession (e cognósserli xe ùtile par individuare le persone che le ga un aumentada probabilità e fare prevension): questi conceti i descrive el càncaro come ''malatia multifatoriale''.
 
Multifatorialità signìfega anca che ogni singolo càncaro, anca se el se svilupa in te lo stesso tessudo de n'altra o de la stessa persona, sarà difarente da n'altro. Conplessi i xe i mecanismi che i porta le sèlule a cancerizare, senplifegando se poe dire che ghe xe mecanismi diti ''carcinogeni'' o ''cancerogeni'', no solo sostanse come le tante che le xe contegnude in te na sigareta brusada, ma anche mutassioni genètiche ereditarie, infiammassioni cròniche, stìmoli ormonali e citochinici, pèrdita de interassion sèlula-sèlula e tanto altro: tute ste robe insieme le mete su, par custion de complessità dei organismi e dei eventi che i se verìfega a liveli tanto pìcoli, una serie de condission che a longo tèrmene le poe esitare in te lo svilupo de na neoplasia. PaPar completare sto percorso xe necessari carcinogeni diti mutagenimutàgeni (i causa dani al [[DNA]] de le sèlule che le deventa càncaro), ma anca indutori (i stimola ste sèlule a prolifarare senpre de più, conservando le mutassioni che le ghe dà vantaji de tipo evolussionìstico).
 
Coligà al conceto de multifatorialità xe quelo del càncaro come ''malatia multifàsica''. I modeli più ressenti i descrive sta cancerizassion come un processo lento che, a livelo de tessudi, se poe anca a volte védare come acùmulo de mutassion in sequense a volte prevedìbili par tipo de neoplasia, che man a man che la cresse la presenta sèlule e n'architetura de tessudo senpre più ''maligna''. Ghe xe neoplasie, come el [[carcinoma colonrettale]], che le ga modeli in tei quali se descrive el passajo da la forma benigna del'adenoma a quela maligna (overo invasiva/metastàtica) del carcinoma, co inportanti recadue su prevension, diàgnosi e terapia de sta malatia.
 
In te l'enorme varietà dei càncari, le classificassion le vien difìssili propio par la storia de la malatia che ogni volta la xe difarente da persona a persona. Tolendo come referimento un sìngolo òrgano, el primo livelo destingue neoplasie dite ''primitive'' (generade dai tessudi del'òrgano stesso) o ''secondarie'' (prodoto de metàstasi o invasion). Le primitive le poe èssare maligne come benigne, le secondarie solo maligne, par definission. N'altro livelo de classificassion destingue, anca al'interno de un solo òrgano, neoplasie de orìsene epiteliale e non-epiteliale.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/wiki/Càncaro"