Difarense intrà łe version de "Lipidi"

[Version verifegà][Version verifegà]
Contenuto cancellato Contenuto aggiunto
Pagina creà co '{{Variansa|padoan}} I '''lipidi''' i xe conposti biochìmeghi assè vari e difarenti, definidi in orìsene come tute le sostanse che le vien tolte fora da na s...'
 
foto
Riga 1:
{{Variansa|padoan}}
[[File:Homelard.jpg|320px|miniatura|destra|El [[struto]], come el [[butiro]], el xe un smissioto de grassi cavadi fora dai tessudi anemali. El stato sòlido a tenperadura e pression anbientali standard i xe dovui al fato che'l xe fato in prevalesa da triglicèridi formai da àcidi grassi in mazoransa sàturi. Un fià tuti i grassi, parò, i ga punti de fusion bastansa bassi, cussì che al tato i onze come oji: na parte, infati, la se dessiolie al contato col calor butà fora da chi che eli toca.]]
[[File:Common lipids lmaps.png|320px|miniatura|destra|Fòrmule de strutura de lipidi comuni: i àngui de incontro dei segmenti i xe da lèzare come àtomi de carbonio ligadi a quanti idrògeni manca par rivare a 4 insieme ai altri ligami. Da'l'alto al basso xe desegnà la strutura de colesterolo, n'àcido grasso insàturo trans, un triglicèride e un fosfolipide.]]
[[File:Phospholipids aqueous solution structures.svg|320 px|miniatura|destra|Sti modei i mostra le desposission dei fosfolipidi (schemizai co la testa idrosolùbile bianca e la coa idrosolùbile zala) in te n'anbiente aquoso. El dopio strato xe quelo fondamentale pa' la creassion da na menbrana selulare]]
I '''lipidi''' i xe [[biochìmega|conposti biochìmeghi]] assè vari e difarenti, definidi in orìsene come tute le sostanse che le vien tolte fora da na [[sèlula]] faséndoghe passare traverso un solvente apolare. Par via de'l prinsìpio de'l ''sìmile che'l dessiolie el sìmile'', donca se trata de sostanse caraterizade da'l'èssare ''liposolùbili'' o ''idrofòbiche'', overo i se smissia mejo in fra luri (e co altre sostanse co ste propietà, come i [[idrocarburi]] e i [[èteri]]) che miga in [[aqua]]. A'l mejo i xe sostanse ''anfipàtiche'': un toco de la molècola la xe bona de interajire co quele polari come la molècola de aqua, el resto xe più stàbile se'l sta tacà a altre sostanse idrofòbiche. Mai parò i xe conpletamente boni de intrare in [[solussion]] co'l'aqua.
 
Line 10 ⟶ 13:
== Classificassion ==
No'l xe fàssile ingrumare in grupi sostanse assè variegade come i lipidi. In generale, se poe identifegare:
* ''Lipidi de riserva energètica''. I primi a fare parte de sta categoria i xe i ''[[àcidi grassi]]'', che i parmete la formassion de la majoransa dei lipidi che i vansa, e i saria definìbili come [[àcidi carbossìlici]] co na longa caena de ligami direti in fra carboni, al ponto che un toco de la molècola el deventa lipofìlico: da almanco 4 ([[àcido propiònico]]) fin a 36. I ligami in fra carboni i poe èssare sìngoli (C-C), ma anca dopi (C=C). In te'l primo caso se parla de àcidi grassi ''sàturi'', se ghe xe anca solo un ligame dopio se parla de ''insàturi'': sti ùltimi i poe tore na configurassion ''trans'' co la caena de carboni che la resta in asse, o ''cis'' che'la piega. St'ultima configurassion la xe più frequente in natura, soratuto in [[piante]] e [[pessi]]: la presensa de àcidi grassi che i se conpata manco par sti piegamenti ghe sbassa la tenperadura de solidificassion, par cui i tessudi i xe più resistenti al fredo. La reassion de esterificassion dei àcidi grassi co un o tuti i tre grupi [[alcol|alcòlici]] de la molècola de [[glicerolo]] la porta a formare i glicèridi (o acilgliceroli), dei quai i ''triglicèridi'' (o triacilgliceroli, tuti i àlcoli saturai) i xe i più inportanti. I àcidi grassi de na molècola de triglicèride de sòlito i no xe gualivi. I triglicèridi i rapresenta la fonte de energia più inportante par i organismi svilupai parché ste molècole le ga na granda quantità de àtomi de carbonio a nùmaro de ossidassion basso: in te i anemali i vien messi in magazin soratuto in te i cussì diti [[tessudo adiposo|tessudi adiposi]]. Infin, in fra sti lipidi gavemo le ''[[siera|siere]]'' (come quele de le [[ave]]), che le se forma par esterificassion de n'àcido grasso e n'alcol anca elo co assè carboni e più che da resserva de energia, e serve par lontanare l'aqua.
* ''Lipidi de [[menbrana selulare|menbrana]]''. I ga na strutura de base assè sìmile a quela dei triglicèridi, ma invesse de un terso àcido grasso, un dei carboni del glicerolo el vien coniugà a conposti idrosolùbili. Se vien a formare cussì i ''[[fosfolipidi]]'' co che ghe xe un grupo [[fosfato]] che po el poe continuare co n'altro conposto orgànico variàbile (ghe ne xe un bel fià de tipi); in alternativa gavemo anca i ''[[glicolipidi]]'', co che sto passajo el vien fato miga da un fosfato ma da un sùcaro. Sti conposti i xe fondamentali parché la parte idrosolùbile de la molècola la ga dimension assè più grande de la sola estremità polare del àcido grasso: se poe cussì formare interassion fra estremi idrosolùbili che a so volta le sta più tacade al'aqua respeto a le parte liposolùbili che le se vissina in fra lore. Come risultà gavemo struture a ''sìngolo strato'' (balete dite [[micela|micele]]) e a ''dopio strato'': tute le [[menbrana selulare|menbrane selulari]] se forma co un dopio strato de, soratuto, fosfolipidi, che i vissina in drento le coe lipofìliche e i buta in fora le teste idrofòbiche.
* ''Lipidi speciali''. I fa parte de sta categoria tuti i altri. I ''[[steroli]]'' i xe in parte lipidi de menbrana, soratuto el [[colesterolo]], che'l xe el conposto base de sta molècola par quanto revarda i organismi anemali. Da i steroli, par ossidassion, se cava fora i steroidi, che invesse i laora come [[ormuni]]. Oncora, i ''[[eicosanoidi]]'' derivai ossidai del'àcido grasso ciamà [[àcido arachidònico]], i ga funsion segnalatoria, assè più limitada par estension del signale, ma comunque fondamentale par [[infiamassion]] e [[emòstasi]], oltra che altri processi fisiològici e patològici. Infin, gavemo le ''[[vitamine]] liposolùbili'', dite grupo ADEK, co vari roli vitali de segnalassion endòcrina e/o come coenzimi.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/wiki/Lipidi"