Casa rural


La casa rural la ze an conplesso de costrusion adibide a casa, porteghi, cede, staoi e altre struture acessorie situada in canpagna.

Casa rural, Ontario

Proprietà canbia

Quei che i viu te la casa rural e i laora i teren dintorn incoi te la gran part dei casi i ze paroi, ma infin a qualche diesina de ani fa i era coloni (ten sto caso la ciapa al nome de colonìa), e i laorea al fondo par cont de un paron dàndoghe come afit na frasion del racolt.

An caso particolar al era representà da le colonìe del ospedal de Feltre te la zona de Polir (Sess), donade da un sior vertoluss del posto e vendeste na diesina de ani fa.

Ten tuti e doi i casi la casa la ze abitada da na fameja pitost slargada, aonde che comanda al pì vecio che al se destinguea parchè al ła sù le stcione.

Strutura canbia

In età romana la casa rural a tuti i efeti no la esistea come che la intendon dess parchè a tuti i efeti la ghe somejea pì a na vila. la casa ligada al fondo che on dess a quei ani la ghe somejea fursi pì a na capana pitost granda, o comunque a un edificio fat par la gran part de legn, canoi e paja. I animai e la zent i condividea al isteso spasio. Su el fenir de la epoca romana le proprietà pì pisole le ga scominsià a pojarse par scopi difensivi a quele pì grande, dando origine a un sistema de paroi e coloni. Probabilmente su el fenir del Medioevo la casa rural la ga cognossest i primi canbiament, deventando de mur de sass e avendo na serta division del spasio abitatiu in modo da separar la abitasion da la atività. Na seconda metamorfosi se la ga abuda co la introdusion del sorch. Le prime qualità difati le ła problemi a inmadurir la panocia, sichè se ga rendest indispensàbiłe costruir case co pioi grandi oltadi a meodì par secar le panoce. De sta epoca ze nassest le case rurai tipiche belumate, longhe e strete co na anpia facia a meodì. Al staol e i portreghi i podea esser arent a la casa e costituir an tut un, o senò i podea esser da la banda oposta. I pjoi i pol esser fati a mensola (stile feltrin) o cenesti sù da pilastri (stile belumat), e la scala la era rigorosamente esterna e co la prima ranpa de piera. Par querder al piol ghe n'era do solusion: quela che se cata pì da spess la consistea te el slongar al quert de la casa, ma qualche olta gnea fat an quertol aposta destacà da quel de la casa e co na pendensa diversa. Dopo la secona guera mondial la casa rural la ze gnesta pì conpata e ze sparì i tradisionai pjoi e la scala esterna. A el dì de incoi la casa del contadin la ze de solito unifamiljar e la ze conpletamente destacada dal staol e da i locai de la atività agricola.

La casa rural tradisional se la ze a ridoss de un paess la ciapa de le altre carateristiche identificative, e la so realtà la ciapa al nome de cortiu.

Varda anca canbia


Controło de autoritàLCCN (ENsh85047294 · GND (DE4004768-4
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Casa_rural&oldid=1105697"