Esportasion

En economia l'esportasion o in léngua inglexe export, xe la vendida in on altro Stato de beni e serivisi.

Descrision canbia

L'esportasion, par cuanto ogni goerno el serca de esportare pì de cuanto chel inporta, par ver na balansa de conto co l'estero poxitiva, l'è comuncue regolada da leji fiscali e doganali e la vien controlada da parte del Ministro del trafego co l'estero che inte el caxo de esportasion de particolari materiali, l'é l'unego chel pol autorixarghene l'esportasion.

Inte i ani pasai, par jutar i inprenditori cei a far conosar a l'estero el Made in Italy, xe sta fato on ente fato aposta l'ICE (abreviasion de Istituto nasional par el Trafego Estero). Xe grasie a sto ente, che i marchi italiani medio-cei i ga poduo farse conosare fora dal teritorio Italian, partesipando ai Padilioni Italiani a le Fiere Internasionali.

Co na axienda ga voja de tacar esportar i propri prodoti, oltre che a le lexi nasionali, la ga da vardar anca le lexi soranasionali, come i termini de resa co cui le merse le pole esar vendue, codificai inte el Incoterms, e bixogna vardare anca i regolamenti e i costumi in vigore inte el paexe verso cuale se esporta, savendo anca che de frecuente bixogna domandare i Sertificai de orixane, Visti consolari, Sertificai fitopatoloxisi e altri documenti de xenare.

Bixogna tegnere in considerasion che par far na esportasion bixogna ver na garansia sol fato che i materiali spedii, magari inte i altri continenti, i sarà pagai regolarmente, e so sta roba, xe le banche che le poe jutar in varie maniere, sia de finansiamento preventivo che de garansia sui pagamenti (de solito co fedejusion e letare de credito)

L'esportatore, el pole contar so n'altra figura profesional, el spedisioniere, che l'è incargà de organixar el trasferimento de chel che se vende.

Corelae canbia

Notasion canbia


Altri projeti canbia


Linganbi foresti canbia






Controło de autoritàLCCN (ENsh87004892 · GND (DE4016020-8 · BNF (FRcb12011950x (data)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Esportasion&oldid=1090809"