Ixola de Ariàn


L'ìzoła de Ariàn ła xe un ìzoła fluvial de el fiume Po.

Infobox de Zeografia fìzegaIxola de Ariàn





















































El xe un teritorio pian de orizene aluvional, quaxi a niveło del mar, difexo da arzeri imponenti, al cào sud/est de ła Rejon Veneto. L'ìzoła xe delimitada dai rami del Po de Goro o de Ariàn a sud-ovest, dal Po de Venexia o Po Grando (anticamente Po de łe Fornaxe) a nord e dal Po de ła Gnoca a sud-est. Un trato picinìn a l'estremità sud-est, intrà łe boche del Po de Goro e de Gnoca xe limità dal Mar Adriatico. La superfiçe totałe atual pasa i 178 km².

La cartina prexenta l'ìzoła prima del Tajo de Porto Viro del 1604, co na superfiçe ałora stimada a poco più de 36 km².

El teritorio fa parte del Delta del Po. El comprende par intiero i comuni de Ariàn inte el Polexine, Corboła e Tajo de Po, in Provinça de Rovigo. La parte sud, longa çirca 45 km, se estende par tuta la longheça del Po de Goro, formando el confin intrà le Rejon Veneto e Emilia-Romagna.

Dal punto de vista idrogeologico xe prexenti e oncora vixìbiłi dei paleoalvei, antighi alvei del fiume Po abandonài e inglobài da łe tere intorno. Le tere xe torboxe e le deventa più sabionoxe man a man che se se aprosima al mar. Xe oncora parçialmente vixibiłi, soravisùe a atività scriteriàe de cava, alcune dune fosili, testimoniança dei vechi cordoni litoranei de confin col mar, che se ga formà in diverse faxe fin a più de 2000 ani fa.

Aluvion canbia

Fin a la costruçion de i grandi arzeri inte el XX secolo, l'Ixola xe stà sogeta a aluvion continue. L'Ixola de Ariàn no xe stà coinvolta inte l'aluvione del 1951; la ga parò subito in ani recenti do alluvion, dovùe a la rota de l'arzere del Po de Goro;

  • el 20 de zugno 1957, la rota in località Ca' Vendramin ga meso sota çirca 7 700 etari;
  • el 2 de novenbre 1960, la rota a Riva' ga lagà çirca 800 ettari.

Voxe corelae canbia

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Ixola_de_Ariàn&oldid=1152126"