Monte Carega



El Monte Carega, o pi semplicemente el Carega, el xe un acròcoro postà intrà el Veneto (province de Verona e Vicensa) e el Trentin. El xe subito sora i Lesini, in provincia de Verona, e el fa parte de łe Picołe Dołomiti (Prealpi Venete). El monte pi alto de tuto el grupo xe Sima Carega, 2259 metri. A nord - nordest el Carega el casca xo 'nteła Vałarsa, pi a est el Paso de Canpogroso ło divide dal Sengio Alto, a sud el Paso de ła Lora ło staca da ła Cadena de łe Tre Croxe, a sudovest ła Val de Ronchi ło taja neto dai Lesini, a nordovest el ga el Monte Zugna. Durante ła Prima Guera Mondiałe el grupo el xe sta teatro de conbatimenti intrà l'esercito deł'Austria e queło deł'Italia.

Infobox de Zeografia fìzegaMonte Carega

Cànbia el vałor in Wikidata
SorteGrupo alpin Cànbia el vałor in Wikidata
Liogo
ContinenteEoròpa Cànbia el vałor in Wikidata
Rejon aministrativa Itàlia Cànbia el vałor in Wikidata

Map

 
Caena montagnozaPicołe Dołomiti Cànbia el vałor in Wikidata
Dati SOIUSA
Gran parteAlpi Orientałi
Gran setoreAlpi Sud-orientałi
SesionPrealpi venete
SotosesionPrealpi Visentine
SupergrupoPicołe Dołomiti
GrupoGrupo del Carega
CòdazeII/C-32.I-B.6
Dati e sifre
Altitùdene2 259 m Cànbia el vałor in Wikidata




















































Carateristeghe del grupo canbia

El Carega el xe na montagna calcarea, fata de dołomia, coi fianchi verso est e verso sud segnà da profondi canałoni ke da ste parti i ga un so nome: vajo. I pi famosi i xe el Vajo dei Cołori e el Vajo dei Camòsi a est e el Vajo Pełagata a sud.

I monti pi alti del grupo, vegnendo da sudest, xe: el Plische, 1991 metri, łe Guje deł Fumante, 1938 metri, ł'Obante, 2020 metri, Sima Carega, 2259 metri, el Cherlong, 2210 metri, Sima Posta, 2215 metri, Sima de ła Neve, 2157 metri.

Vie par rivarghe e punti de pojo canbia

L'unica strada ke ghe riva quasi sora ła vien da ła Val d'Iłasi (Verona), ma ła xe sarà al trafico e ła se ferma al Rifugio Scalorbi, 1767 m. Poco soto ła Sima Carega ghe xe el Rifugio Fraccaroli, 2230 m.. Pi in baxo ghe xe el Rifugio Battisti, 1265 m. e el Rifugio Canpogroso, 1460 m. (Recoaro).

Curiosità canbia

El nome Carega nol vol dir "carega" inte el senso de sentarin. El vien da Kareg, inte el dialeto todesco che se parlaa su i Lesini e vol dir "bacineła". Se se guarda el grupo del Carega da la Val d'Iłaxi, el ga proprio la forma de na bacinela. Anca se la cima piassè alta l'è in provincia de Trento, i veronexi i ga sempre considerà el Carega na montagna veronexe.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Monte_Carega&oldid=1152096"