Tełecàmara

La tełecàmara el ze un dispozitivo ełetrònego par ła rezistrasion de imàzeni bidimensionałi in secuensa, co vełosità de catura prefisae, de sòłito inte ła gama vedìbiłe del spetro ełetromagnètego.

Tełecàmara portàtiłe Hitachi (sensa videorezistratore)

Le tełecàmare łe połe èsar in bianco e nero o in cołori, co stàndar de rezistrasion e tratamento de łe imàzeni conformà ai stàndar tełevizivi dei paezi inte i cuałi i gnen doparae (sistemi NTSC, PAL o SÉCAM) e a łe resołusion stàndar dizitałi.

Stòria

I despozitivi de catura de l'imàzene i zera stai par dècadi bazai sul tubo catòdego: iconoscòpio, image orthicon, plumbicon o vidicon.

Inte el calar dei ani 1970 i zera conparesti inte el marcà i primi sensori de imàzene al stato sołido CCD, seguii dai pì novi CMOS, che in pochi ani i ghea sostituio totalmente i tubi catòdeghi.

Modełi

Ghe ze vari tipi de tełecàmare par i pì vari dòpari: industriałi par el controło de produsion, par videosorvejansa, par PC (webcam), de cuałità broadcast par repiae tełevizive profesionałi in stùdio o a l'esterno, par dòparo naturalìstego o sientìfego, par dòparo sportivo, etc. adatae co vari despozidivi, cofà el ziroscòpio inte l'automobiłismo par łe tełecàmare montae drento de ła automòbiłe par dar al vizionadore ła parspetiva on board de ła siena in rezistrasion.

Rezistrasion

El conbinamento de na tełecàmara e de un videorezistratore inte un ùgnoło dispozitivo portàtiłe e autoałimentà el ga zenarà ła videocàmara o camcorder, divegnesta partindo dal prinsìpio de ła dècada del 1980 ła sostitusion a łe cinepreze portàtiłi bazae su pełìcuła da 8 o 16 miłìmetri.

Drio del tipo de dòpara, i vien doparai vari suporti de rezistrasion

• nastri in caseta Betacam, VHS, S-VHS, VHS-C, S-VHS-C, Video8, Hi8, MiniDV, DVCam
• dischi òteghi DVD-RAM, DVD
• suporti in stato sołido cofà memòrie flash.
• rezistrasion de forma conpresa (de sòłito DivX): disco fredo.
• rezistrasion dizitałe: co ligamento Firewire o USB 2.0 par el trasferimento dei vìdeo su personal computer.

Altri projeti

Altri progetti

• Wikimedia Commons

• Wikimedia Commons el detien imàjini o altri file so Tełecàmara

Linganbi foresti

• telecàmerasapere.it, De Agostini.
• (EN) television cameraEnçiclopedia Britannica, Encyclopædia Britannica, Inc.