Tełefono VoIP

El VoIP (ing. Voice over Internet Protocol, voxe sul protocoło de Internet) la xe na tecnologia che permete de far na telefonar doparando na conesion a Internet inveze de la linea telefonica normal. Par far na chiamata se pol doparar el computer (naturalmente avéndoghe un microfono e le casse acustiche o un auricolar) opure un telefono VoIP fato aposta. El segnal de la voze el vien codificà in forma digitale e spedìo sudiviso in pacchetti de rete, che i viaja su la rete Internet fin al destinatario, dove i vien trasformà in un segnal audio.

El funsionamento del sistema VoIP

La telefonia VoIP la xe comoda parché se pol risparmiar un bel po' rispeto a la telefonia tradizional, specialmente par ciamar distante, parché le telefonate normai ti 'e paghi piesè pi distante te ciami, e inveze la conesion a Internet la costa senpre precisa. La xe utile anca par metar in pié facilmente na rete telefonica local: par esenpio in un posto de łaoro se pol ciamarse da un uficio a chel'altro doparando la rete LAN aziendal.

Uno dei problemi del VoIP xe che parò a olte no se sente tanto ben, o la voze la riva con un po' de ritardo. Questo parché coi telefoni normai, quando te telefoni vien instaurà na conesion dedicà, dove passa solo la to telefonata e nesun'altra, quindi l'è fadiga che ghe sia ritardi; inveze col VoIP la to chiamata la viaja insieme co tuto el resto del trafico Internet, e la pol catar calche ingorgo se la rete in chel momento l'è un fià intasà.

Controło de autoritàLCCN (ENsh98004350 · GND (DE4770362-3 · BNE (ESXX545253 (data) · NDL (ENJA00959468
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Tełefono_VoIP&oldid=1035662"