Tełecomunicasion

Comunicasion a distansa intrà anime doparando dispoxidivi de difarente naura
Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Telecomunicasion


La Telecomunicasion (che deriva dal greco tèle, distante), la xe l'atività de traxmision a longa distansa de segnali, parole e imajini soto la forma de mesaji tra dò o pì sojeti (mitente e destinataro/i), co dispoxidivi eletroneghi (traxmetidore e riçevidore) traerso on canal fixego de comunicasion. Le grande aplicasion tecnoloxeghe de le comunicasion, le fa parte de do grupi: Le tecnołoxie de l'informasion e le tecnołoxie de l'informasion e de ła comunicasion, che grasie a le so grande difuxion inte la socetà, i ga dato vita, traerso i mexi de comunicasion de masa come el telefono, l'aradio e la televixion, a la socetà del dì de oncò fata da l'informasion, che l'è uno dei setori trainanti de la cusì ciamada "tersa rivolusion industrial".

Imajine animada che la mostra la difarensa intrò le onde radio modulae in baxe a l'anpiesa e a la frecuensa.

Xe sta tanto determinante l'influensa de le moderne telecomunicasion e de le tecnoloxie de l'informasion e de la telecomunicasion, inte la nasita e inte el xvilupamento de la cusì ciamada New economy e oncor pì xeneralmente so l'evolusion tecnoloxega e soço-economega de la socetà moderna, par far on exenpio de tre grande rivolusion tecnoloxeghe dei ani dopo el 2000, come i telefonini, la rete internet e el GPS. Le infrastrudure de telecomuncasion le xe divegneste na rixorsa talmente inportante e inte el steso tenpo critega, drento a çasgun Stato al punto da permetarghe el xvilupo soço-economego e la forsa economego-pulitega a livel internasional, fin a domandar el ricorso a forme speçifeghe de protesion o sicuresa.

Le grande socetà o compagnie de telecomunicasion, le njien ciamae "telco" e el setore inte el mondo oçidental, come par i altri setori industriali, l'è pasà inte i ani da forme de monopolio statal a la privatixasion inisialmente e dopo a la liberalixasion.

Derivasion del termine canbia

La parola telecomunicasion la deriva da la parola françexe télécommunication. L'è na conpoxision del prefiso greco tele- (τηλε-), che signifega "distante da" e del latin communicare, che signifega 'far divegner comun', 'vere in comun', 'condividare'.

Controło de autoritàLCCN (ENsh85133270 · GND (DE4059360-5 · BNF (FRcb119335984 (data) · BNE (ESXX525038 (data) · NDL (ENJA00561375
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Tełecomunicasion&oldid=1158740"