Teresa Manetti

Teresa Manetti (Canpi Bisensio, 2 de marso 1846 - 23 de apriłe 1910), fondatrice rełijosa, ła xe venerà come beata da ła Ciesa catolega da cui ła xe sopranominà Teresa Maria de ła Croxe.

Teresa Manetti

Biografia
Nasimènto	2 de marso del 1846 Canpi Bisensio (Itàlia)
Morte	23 de apriłe del 1910 (64 ani) Firense (Itàlia)
Dati personałi
Rełijon	Catołicismo
Atività
Ocupasion	mónega
Órdene rełijozo	Ordine della Beata Vergine del Monte Carmelo (it)
Ełevasion
1986 - beà, dezignà da Joani Poło II
Festività	23 de apriłe

Teresa ła xe nata inte el 1846 inte ła frasion de San Martin, da Gaetano, połastraro e da Rosa Bigagli. So pare el xe morto quando che ła picinina ła gaveva pochi misi de vita.

Teresa, che ła gera anca na bea putea, ła ga descoverto ła so vocasion inte el 1865, dopo esare restà in leto par on incidente decidendo de tegner drio a Teresa d'Avila, che la ghe saria aparsa in vision. Inte el 1874 a xe scuminsià ła so prima convivensa rełigioşa co do amighe inte el cosideto "Conventino", na casseta soto l'arsene del Bisensio e poco dopo łe se ga iscrite al "Terzo Ordine Teresiano"; inte sto periodo ła putea ła xe sta 'jutà da Don Ernesto Jacopozzi, el capełan de ła ciesa de San Martin, che ła ga seguìa fin ała soa prematura morte inte el (1894).