The Greatest American Hero

The Greatest American Hero (conosùa in Itałia come Ralph supermaxieroe e in Braziłe come Super-Herói Americano) ła ze na serie tełeviziva produzesta inte i Stati Unìi e trazmetesta par ła prima volta da'l 1981 a'l 1983 so'l canałe ABC. In Itałia ła za stà trzmesa so Canale 5 e drioman so Italia 1.

The Greatest American Hero

Paeze	Stati Unii de l'Amèrica
Zènare	comèdia dramàtega e fantasiensa
Spàsio d'anbientasion	Los Angeles e Całifornia
Ecuìp tècnega
Creador	Stephen J. Cannell
Conpozitor	Mike Post (it)
Atori	William Katt (it)
Łéngua orizenałe	inglezo
Canałe orizenałe	ABC
Primo epizòdio	18 de marso del 1981
Ùltemo epizòdio	3 de febraro del 1983
Stajon	3
Epizodi	45
Lista epizodi	episodi di Ralph supermaxieroe (it)
Pì informasion

El tełefilm el ze na comedia so suparaeroi. Ła serie ła ze tìpega de'l stiłe de'l produtor Stephen J. Cannell, in cui ła trama ła ze segondaria a łe rełasion intrà i parsonazi. El mecanizmo de'l tełefilm l'è bazà so łe dificoltà de tre parsone comùni che łe vive aventure da supareroe inte'l mondo reałe.

Trama

Ralph Henley (e no Hinkley: sto conjome el ze stà scansà in cuanto el gera cuèło de cołù che'l ga ferìo el Presidente dei Stati Unìi Ronald Reagan) el ze un comune insenjante che'l reseve dai estraterestri un costume spesiałe da'l cołor roso vivo che'l ghe fornise abiłità suparòmane. Ralph anpo', abiando zmarìo el manuàłe de istrusión fornìo co el costume, no'l riese a inparar a doparar el costume coretamente e el ga da proarghe co tentadìvi, deventando un supareroe asè inbalsamà. A jutarlo de scondon, inte ła só misión a'l servìsio de ła łeze, l'azente de l'FBI Bill Maxwell e ła só moroza, po mujer, Pam Davidson.

Epizodi

Stajón	Epizodi	Prima TV orizenałe	Prima TV Italia
Prima stajon	9	1981
Segonda stajon	22	1982
Tersa stajon	14	1983

Parsonazi e intèrpreti

Ła parte de'l protagonista Ralph Henley ła ze stà intarpretada da William Katt, Bill Maxwell nterpretà da Robert Culp, e Connie Sellecca ła ga intarpretà Pam Davidson.

Sigla

Ła sigla inisiałe Believe It or Not ła ze cantà da Joey Scarbury. Ła canson ła ze deventàda asé famoza durando ła serie. Ła gà debutà in clasifega inte ła Top 40 de ła mericàna Billboard Hot 100 el 9 majo 1981, razonzendo ła segonda pozision inte ła setemana da'l 15 a'l 22 agosto, restando in clasifega par ben 18 setemane inte łe prime cuaranta pozision. El toco el ze ndà anca in sìma a ła clasifega Record World Chart.

Greatest American Hero

Inte'l 1986 A se gà proà rełansàr ła serie, ma cualméntre el protagonista William Katt no'l ga vołesto pì intarpretàr el parsonazo, ła protagonista ła ze deventada Mary Ellen Stuart, visin a tuto el resto de'l cast orizenałe. A ze nasesto cusì The Greatest American Heroine, A ze stà reałizà un pilot direto da Tony Mordente e scrito da Babs Greyhosky che parò no'l ze stà seguìo da na stazon tełeiziva e el projeto el ze parigołà. 'Sto epizodio ło se pol comuncue consiarar come ùltemo capitoło de l'istòria, indove ch'A se asiste a un ideàl pasajo de consenje tra el vecio protagonista e ła nova eroina. El pilot el ze stà trazemtesto sòło che da tv minori e presto el ze stà dezmentegà.

Ła trama ła vedeva Bill contarghe a un rezistrador łe aventure visùe co Ralph fin a'l dì inte'l cuało, durando el salvatazo de na toza, Ralph el vien vedesto da tuti e el Presidente dei Stati Unìi d'America el ło dichiara "El pì grando eroe american". Ła fama e łe conparse tełevizive parò łe ghe inpedìse l'anonemà vołesto dai estraterestri e anca el raporto co Pam el se deteriora; i do i vien rapìi dai ałieni che i ghe dize a Ralph de darghe el costume a n'altro "portatór" par conbáater el mal. Co el costume el venjarà cedùo i ałieni i farà sì che'l mondo el se desemntega de Ralph, de Pam, Bill e de łe só aventure.

Daspò algune reserche i cata Holly Hathaway, na insenjante ełementàr, che ła ciapa ła caratarìsteghe de fiłantropìzmo e bontà domandàe dai ałieni. Bill el se trovarà riłutante a doverle far da istrutor e po' in cùbia co eła el afrontarà un novo cazo. A ła fine łe só pìtime so'l łaorarghe co na dona el desparise e A taca el nòvo sodałìsio.

Altre òpare

Editi da ła "Catastrophic Comics", direta da'l steso William Katt, inte'l 2008 A ze stà publegà tre albi a fumeti so ła serie The Greatest American Hero anbientà inte'l 2008.[2]

Na serie de 6 web-epizodi co protagonisti un novo Ralph, na nova Pam e un novo Bill (fiancài da na cheerleader anca wła in costume) ła ze stà reałizà inte'l 2009 e ła reciapa i temi de'l tełefilm.

Inte'l 2008 A gera stà anunsià anca un adatamento sinematografego de ła serie. Rimandà e programà cuindi par el 2013 co ła rezìa de Stephen Herek e ła senejadura de Chris Matheson e Ryan Rowe[3][4], de'l film, drioman, no A se gà pì avùo notìsia.